Annasöm vika á hálendisvaktinni
Undanfarin sumur, eða frá árinu 2006, hefur hálendisvakt verið starfandi á fjórum stöðum á hálendi Íslands. Verkefnið er skipulagt af Slysavarnafélaginu Landsbjörgu en björgunarsveitir landsins sjá um að útvega mannskap og búnað til verksins. Er markmiðið að sinna ákveðnu forvarnarstarfi með því að leiðbeina og upplýsa ferðamenn um aðstæður á hálendinu auk þess að stytta viðbragðstímann ef óhapp eða slys ber að höndum og tryggja þannig betur öryggi ferðamanna. Pistilinn sem hér fer á eftir sendi Hafdís Einarsdóttir okkur en í síðustu viku var einmitt hópur frá Skagfirðingasveit á vaktinni.
Síðastliðna viku dvaldi hópur úr Skagfirðingasveit í Landmannalaugum og stóð þar hálendisvakt. Hópurinn taldi sex manns virku dagana en átta um helgina auk þess sem við nutum aðstoðar og samveru Jan sem er norskur og er meðlimur í Rauða krossinum í Noregi.
Vikan leið hratt enda nóg um verkefnin. Strax á fyrsta degi þurfti að sækja veika konu upp í Hrafntinnusker og á öðrum degi fengum við erfitt böruútkall í hraunið við Landmannalaugar. Á þriðjudegi var óveður og þurfti að loka Laugaveginum auk þess sem við könnuðum vatnsmagn í ám. Þá þurfti að draga einn bíl upp úr kvíslinni við Landmannalaugar en hann hafði drepið á sér vegna vatnsmagns í ánni. Ein kona meiddist á ökkla uppi við Brennisteinsöldu og var haldið að hún væri ökklabrotin og því ekið til móts við sjúkrabíl með hana.
Miðvikudagurinn var mjög svipaður, leiðinlegt veður og þörf á eftirliti með vegum, auk þess sem við fórum í rútur og ræddum um veðrið við ferðamenn sem komu upp í Landmannalaugar með rútum. Á fimmtudegi höfðum við afskipti af utanvegaakstri, skimuðum eftir pari sem ekkert hafði spurst til síðan fyrir óveður og aðstoðuðum tvær konur, í sinni hvorri ferðinni, með snúinn ökkla en þær gengu báðar með stuðningi niður að svæðinu.
Á föstudegi var þriðji sjúkraflutningur vikunnar en þá fékk maður á tjaldsvæðinu flogakast og á laugardeginum kom svo stærsta útkallið en þá hafði kona slasast illa á baki og hendi uppi á Bláhnjúk. Okkur barst góður liðsauki í útkallið en í þann mund sem það kom ók stór hluti úr stjórn Landsbjargar í hlað í þeim tilgangi að hitta okkur og gefa okkur eitthvað með kaffinu. Þrír þeirra bættust í hóp okkar og komu á slysstað. Þar sem útlit var fyrir erfiðan böruburð niður að Landmannalaugum voru sveitir af öllu Suðurlandinu kallaðar út en til allrar lukku hafði þyrla Landhelgisgæslunnar tök á að koma og flytja konuna á sjúkrahús. 
Á leiðinni heim fór svo stýrisendi í Econlinernum okkar og þurfti að sækja hann upp á Kjalveg, rétt við gatnamótin að Kerlingafjöllum.
Það er ómetanleg lífsreynsla að taka þátt í þeim verkefnum sem koma upp í hálendisgæslu og fá að kynnast öllu því frábæra fólki sem starfar á hálendinu. Okkur barst liðsstyrkur frá landvörðum, skálavörðum og öðrum þeim sem tök höfðu á þegar á reyndi og viljum við þakka öllum þeim sem aðstoðuðu okkur á einhvern hátt kærlega fyrir.
Fleiri myndir frá vaktinni má sjá á Facebooksíðu Skagfirðingasveitar.
Fleiri fréttir
-
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira -
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira
