Ársþing UMSS haldið í síðustu viku
Í síðustu viku var 91. ársþing Ungmennasambands Skagfirðinga haldið á Mælifelli á Sauðárkróki að viðstöddum fulltrúum aðildarfélaga og gestum. Fram kom að sambandið var rekið með tæplega 115 þúsund króna hagnaði á síðasta ári.
Auk venjulegra aðalfundastarfa ávörpuðu gestir þingið en Viðar Sigurjónsson fræðslustjóri ÍSÍ hvatti aðildarfélög til að aðlaga sig að fyrirmyndafélagskerfi ÍSÍ en það getur haft fjárhagslega hagræðingu fyrir félögin og ekki síst til bóta í skipulagi þeirra. Viðar sem þekktur er fyrir að sækja þing héraðssambanda um allt land og varpa fram vísum, brá ekki út af vananum frekar en áður og sendi þingheim skemmtilegar stökur.
Sæmundur Runólfsson framkvæmdastjóri UMFÍ ávarpaði einnig þingið og afhenti hann þeim hjónum Viggó Jónssyni og Rannveigu Helgadóttur starfsmerki UMFÍ fyrir vel unnin störf í þágu íþróttamála en þau hafa verið einkar öflug í starfi Tindastóls í ýmsum íþróttagreinum.
Þá var Drangeyjarbikarinn færður UMSS til varðveislu þar sem Skagfirðingar voru duglegir að synda til lands úr Drangey. Sarah-Jane og Heiða Jóhannsdóttir fengu viðurkenningu fyrir þeirra afrek en þær hafa báðar þreytt sundið.
Á þinginu spunnust miklar umræður um svokallað TÍM kerfi sem nokkrum félögum þótti hafa verið illa kynnt fyrir þeim en eftir þeim átti úthlutun styrkja frá sveitarfélaginu Skagafirði að fara. Samþykktar voru reglur á þinginu sem ákvarða skiptingu þeirra til aðildarfélaga UMSS.
Stórhuga eru ungmennafélagar í Skagafirði því ákveðið var að sækja um að halda Unglingalandsmót árin 2013 og 2014 og Landsmót 50+ árið 2012 sem er nýtt mót en það verður haldið í fyrsta sinn í sumar.
Fyrir einhvern misskilning var Hrefna Gerður Björnsdóttir endurkjörinn formaður UMSS á þinginu en hún hafði ekki gefið kost á sér til áframhaldandi setu á formannsstóli og tekur því ekki sæti í nýrri stjórn. Að sögn Hrefnu Gerðar er hún að setjast á skólabekk næsta haust og hefur því ekki tíma til að sinna starfinu. Verið er að leita að formannsefni UMSS.
Ný í stjórn komu þau Elisabeth Jansen og Þröstur Erlingsson í stað Sigmundar Jóhannessonar og Sigurgeirs Þorsteinssonar. Sigurjón Leifsson og Hjalti Þórðarson sitja áfram.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
