Bændafundir Kjötafurðastöðvar KS og SKVH
Kjötafurðarstöð KS og Sláturhús KVH hafa boðað til bændafunda víða á norður- og vesturlandinu og allt til Ísafjarðar um málefni afurðastöðvanna. Tilgangur þessara funda er að upplýsa bændur um stöðu mála er varða afurðir þeirra.
Ágúst Andrésson forstöðumaður Kjötafurðastöðvar KS segir að farið verði yfir horfur á mörkuðum innanlands sem utan, birgðastöðu, fyrirkomulag slátrunar, niðurjöfnunar og heimtöku. Þá verða tækifæri og ógnanir í landbúnaði og úrvinnslu landbúnaðarafurða og markaðssetningu þeirra einnig á dagskrá.
-Fundirnir verða með því sniði að við erum með smá framsögu og síðan svörum við fyrirspurnum og ábendingum frá bændum. Það má segja það að mikilvægasta við þessa fundi sé að fá fram umræður um það sem vel er gert og hvað má betur fara, segir Ágúst og bætir við að stefnt sé á að vera með fund á Egilstöðum 23. apríl og á Sauðárkróki þriðjudaginn 24. apríl í Selinu en það komi í ljós síðar.
Fundirnir verða sem hér segir:
- 16. apríl kl. 12:00 að Staðarflöt í Hrútafirði
- 16. apríl kl. 20:00 að Valfelli í Borgarfirði
- 17. apríl kl. 12:00 að Brjánslæk
- 17. apríl kl. 16:00 að Bjarkalundi
- 17. apríl kl. 20:00 að Leifsbúð í Búðardal
- 20. apríl kl. 12:00 að Hótel Ísafirði
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
