Bálið kynnt í baráttunni við riðuna
Það var engu líkara en Reykjarhóllin stæði í ljósum logum þegar blaðamaður Feykis átti leið um Langholtið og Varmahlíð föstudaginn 28. ágúst, slíkt var reykjarkófið sem virtist stíga upp af svæðinu. Þegar nær dró varð þó ljóst að engin hætta stafaði að íbúum Varmahlíðar né sumarbústaðafólki því mökkurinn sté upp frá Álftagerði, nokkru framar í sveitinni.
Að sögn Gísla Péturssonar, bónda í Álftagerði, ákvað hann að nota hagstæða vindátt, hæga vestanátt, til að brenna rest af innvolsi fjárhúsanna, sem er ein af þeim aðferðum sem notuð er í baráttunni við riðuveikina, en sú sótt kom upp á bænum í janúar á síðasta ári. Allt timbur í gólfi, veggjum og milligerðum hefur orðið eldinum að bráð, skipt um jarðveg við útihús og annað sótthreinsað. Á stór Varmahlíðarsvæðinu hefur riðan skotið sér niður á yfir tíu bæjum sl. 20 árum og hefur Álftagerði tvisvar áður orðið fyrir barðinu á óværunni áður, 2008 og þar áður 20 árum fyrr.
Gísli er ekki alveg af baki dottinn með fjárbúskapinn því hann stefnir á að fá sér kindur á ný. „Það er ekki fyrr en næsta haust sem það má. Ég verð ekki nema sjötugur,“ segir hann og hlær. „En maður veit svo sem ekkert hvernig málin standa eftir ár.“
Hann segir að annað hvort hafi þurft að setja botn aftur í fjárhúsin eða jafna þau ofan í sökkullinn. „Þetta verður annars bara draugahús og grotnar niður ef ekkert er hugsað um þetta. Svo er ég búinn að byggja hérna og langar að eiga nokkrar kindur. Það verður aldrei farið í það að fylla húsin aftur. Þetta verður smá sparifé eins og stendur,“ segir Gísli góðlátlega.
Vill kaupa fé af nágrannabæ
Í reglum um kaup á líflömbum kemur fram að þau verði að koma af svokölluðu hreinum svæðum en Gísli vill reyna á hvort ekki mætti sækja líflömb á nágrannabæinn Ytra-Vallholti þar sem aldrei hefur greinst riða þrátt fyrir nálægð við riðubæi. Gísli segir að þar á bæ hafi einungis verið notaðir hreinir verndandi hrútar og féð virðist því ónæmt fyrir veikinni en þrír flokkar eru skilgreindir í þessum málum í arfgerð, áhættuflokkur, hlutlaus og verndandi.
Ég er núna að berjast í því að fá að kaupa af þeim í Vallholti, ekki kaupa af þessum svokölluðu hreinu svæðum. Maður er bara að kaupa áhættukindur þaðan og ég segi að þær megi ekki koma inn á mína landareign. Mér finnst að maður sé að sýna þessu lit með því að vera með allt verndandi, ef að það virkar. En reglur eru reglur og ekki víst að það gangi í gegn, það þarf víst einhverjar lagabreytingar. En það er verið að vinna í þessu og verður bara að koma í ljós.“
Fleiri fréttir
-
Taiwo brilleraði gegn Þórsurum
feykir.is Skagafjörður, Íþróttir, Lokað efni 15.11.2025 kl. 02.13Lið Tindastóls og Þórs frá Þorlákshöfn mættust í Síkinu í gærkvöldi í sjöundu umferð Bónus deildarinnar í körfubolta. Leikurinn var jafn og spennandi í fyrri hálfleik og var þá meðal annars sex sinnum jafnt. Taiwo Badmus hrökk hins vegar í gírinn í þriðja leikhluta, gerði þá 20 stig og bjó til ágætt forskot ásamt félögum sínum sem gestirnir náðu ekki að brúa. Lokatölur 96-82.Meira -
Vegagerðin hefur boðið út for- og verkhönnun Fljótaganga
feykir.is Skagafjörður, Lokað efni 15.11.2025 kl. 01.29Þó nokkur umræða hefur verið síðustu ár um Siglufjarðarveg við Strákagöng en þar má segja að vegurinn sé nánast á nippinu með að halda velli í fjallshlíðinni. Sökum þess hafa sveitarfélögin á svæðinu krafist aðgerða Vegagerðarinnar og að boruð verði göng úr Fljótum og í Siglufjörð. Í gær bauð Vegagerðin út for- og verkhönnun Fljótagana, vegagerðar á Siglufjarðarvegi milli Stafár í Fljótum og tengingu við núverandi Siglufjarðarveg í botni Siglufjarðar. Um er að ræða 24 km vegagerð og 5,3 km löng jarðgöng. Frestur til að skila inn tilboðum er til 16. desember.Meira -
Íbúakosningar um sameiningu Dalabyggðar og Húnaþings vestra
feykir.is Vestur-Húnavatnssýsla 15.11.2025 kl. 00.58Á tímabilinu 28. nóvember til 13. desember nk. verða haldnar íbúakosningar um tillögu um sameiningu Dalabyggðar og Húnaþings vestra. Samstarfsnefnd sveitarfélaganna hefur skilað áliti sínu sem er svohljóðandi:Meira -
Selasetrið fagnar 20 ára afmæli
feykir.is Vestur-Húnavatnssýsla 14.11.2025 kl. 13.32Selasetur Íslands á Hvammstanga fagnar 20 ára afmæli á þess ári og í tilefni af því verður efnt til afmælisveislu laugardaginn 15. nóvember. Dagskráin hefst klukkan 11 og stendur til 17 og verður eitthvað skemmtilegt í boði fyrir alla.Meira -
„Saman við sitjum og saumum inni í stóru húsi...“
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 14.11.2025 kl. 10.33Langar þig til að hressa við gamla uppáhalds flík? Textílmiðstöðin, í samstarfi við fatahönnunarnemendur í Listaháskólanum, býður til vinnustofu miðvikudaginn 19. nóvember kl. 16 – 19 í Félagsheimilinu Blönduósi. Nemendur sýna áhugaverð dæmi og aðstoða þátttakendur við að breyta, bæta og/eða skapa nýja flík úr gamalli.Meira
