Baráttusigur Stólanna gegn sprækum Fjölnismönnum
Lið Tindastóls fékk Fjölni úr Grafarvoginum í heimsókn í Síkið í kvöld í Iceland Express deildinni í körfuknattleik. Fjölnismenn voru með yfirhöndina mest allan fyrri hálfleik en staðan var engu að síður jöfn 15-15 eftir fyrsta leikhluta og sömuleiðis í hálfleik, 34-34. Stólarnir náðu síðan frumkvæðinu í síðari hálfleik og í fjórða leikhluta náðu heimamenn að þétta vörnina og náðu 12 stiga forystu þegar best lét. Lokatölur 91-81.
Tindastólsmenn virkuðu frekar þungir framan af leik og máttu hafa sig alla við til að halda í við spræka pilta í liði Fjölnis, sérstaklega voru þeir Tómas Heiðar og Ægir Þór magnaðir. Stólunum gekk frekar illa að koma boltanum í körfuna en góð barátta skilaði slöttungi af sóknarfráköstum. Rikki og Fain voru ekki að finna sig í fyrri hálfleik en þeir voru miklum mun frískari í þeim síðari og þá fóru nokkrir þristar rétta leið. Það gladdi stuðningsmenn Stólanna að endurheimta Svabba Birgis í hópinn og hann hafði litlu gleymt og fann körfuna nokkrum sinnum þó hann hefði haft hægt um sig fyrir utan 3ja stiga línuna - enda skot þaðan nánast bara lögreglumál hjá Stólunum í vetur.
Úrslitin réðust síðan í upphafi fjórða leikhluta en þá náðu Stólarnir góðum kafla, hleyptu reyndar gestunum aftur inn í leikinn en það var engin miskunn hjá Magnúsi í kvöld og Stólarnir kröfsuðu sig aftur í 10-12 stiga forskot og tíminn reyndist of naumur fyrir Fjölnismenn til að bregðast við og Tindastólsmenn sigldu öruggum sigri í höfn.
Kitanovic og Helgi Rafn börðust eins og ljón í leiknum, Cunningham var traustur og sem fyrr segir átti Svabbi ágæta innkomu. Rikki og Fain komust vel inn í leikinn í síðari hálfleik og eitt sett af troðslum frá Fain gladdi áhorfendur. Helgi Freyr var fjarri góðu gamni í kvöld en það er ljóst að tilkoma Svabba eykur breiddina hjá Stólunum og liðið til alls líklegt en það hefur sigrað í fjórum af síðustu fimm leikjum sínum, þar af þremur í deildinni.
Næstu leikir Tindastóls eru báðir í Keflavík, fyrst í Poweradebikarnum 5. desember og síðan í Iceland Express deildinni 9. desember. Síðasti leikur liðsins fyrir jól er síðan hér heima gegn Njarðvíkingum 16. desember.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
