„Fullan vilja til þess að finna viðunandi lausn“
Sveitarfélagið Skagafjörður hefur sent frá sér fréttatilkynningu vegna skorts á dagvistarrýmum við leikskólann í Varmahlíð. Leikskólastjóri Birkilundar sendi frá sér neyðarkall um sl. helgi og sagði í pistli á Feyki.is að fólk í framsveitum fjarðarins í verulegum vandræðum og jafnvel farið að hugsa til þess að flytja úr héraði fengi það ekki vistun.
Í tilkynningu frá Svf. Skagafjarðar segir að því sé ekki neitað að leikskólinn í Varmahlíð hefur ekki getað orðið við öllum beiðnum um leikskólavist fyrir eins árs börn og því hefur skapast vandi sem leysa þarf úr. Eitt dagforeldri hafi verið starfandi á svæðinu, sem hefur leyst úr þeim vanda sem skortur á leikskólarýmum hefur skapað. Ítrekað hefur verið auglýst eftir fleiri dagforeldrum til starfa á svæðinu en án árangurs.
„Í síðustu viku tilkynnti viðkomandi dagforeldri að það myndi hætta rekstri sínum að mánuði liðnum. Við það missa þrjú börn vistunarrými og öllum er ljóst að það bakar foreldrum vanda. Nauðsynlegt er að leysa úr honum og hefur Sveitarfélagið Skagafjörður fullan vilja til þess að finna viðunandi lausn og vinnur að því,“ segir í tilkynningunni.
Tekið er fram að Sveitarfélagið Skagafjörður hafi ætíð sett mikinn metnað í að bjóða upp á næg og ódýr leikskólarými og er eitt fárra sveitarfélaga á landinu sem hefur leitast við að bjóða leikskólarými fyrir eins árs börn og eldri. Flest stærri sveitarfélög miða leikskólagöngu við 18 mánaða aldur eða eldri.
Bíða niðurstöðu samstarfsnefndar sveitarfélaganna
Leikskólinn Birkilundur er rekinn í sameiningu af Sveitarfélaginu Skagafirði og Akrahreppi og fer nefnd á þeirra vegum með rekstrarleg málefni skólans og aukning á leikskólarýmum er á forræði hennar.
„Sveitarfélagið Skagafjörður hefur ítrekað bókað vilja sinn til að ráðast í framkvæmdir til að fjölga leikskólarýmum og hefur lýst þeim vilja sínum að tengja þær framkvæmdir endurbótum á grunnskólahúsnæðinu í Varmahlíð. Með því að færa starfsemi leikskólans Birkilundar í hús grunnskólans skapast tækifæri til að hugsa þessi skólastig sem eina heild og gera ráð fyrir ýmis konar samvinnu og samnýtingu.
Frumteikningar að breytingum á grunnskólahúsnæðinu, sem rúma vel hvoru tveggja leikskólann og grunnskólann, liggja fyrir og af hálfu Sveitarfélagsins Skagafjarðar er ekkert að vanbúnaði að hefja lögbundið samráðsferli og fullnaðarhönnun um leið og niðurstaða um málið liggur fyrir í samstarfsnefnd sveitarfélaganna,“ segir loks í fréttatilkynningunni.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
