Bikardraumurinn brast í Víkinni
Það er mest allt á brattann hjá Tindastólsmönnum þessa dagana. Í fyrrakvöld léku kapparnir við lið Reykjavíkur-Víkinga í Víkinni í Reykjavík en um var að ræða leik í 16 liða úrslitum Borgunarbikarsins. Stólarnir máttu þola 2-1 tap og geta því hætt að láta sig dreyma um bikarinn.
Víkingar komu sem óðir væru til leiks og Aron Elís Þrándarson negldi í slána og inn með bylmingsskoti strax á 2. mínútu. Áður en Stólarnir náðu áttum eftir þessi herlegheit heimamanna höfðu Víkingarnir nælt sér í vítaspyrnu og henni skilaði íþróttafréttamaðurinn Hjörtur Júlíus Hjartarson af öryggi í mark Tindastóls og aðeins 8 mínútur liðnar. Miðað við yfirburðina í byrjun leiks voru menn jafnvel farnir að reikna með tahítískum lokatölum en Stólarnir þéttu raðirnar og komu sér inn í leikinn á ný með laglegu marki frá Christopher Tsonis á 22. mínútu.
Víkingar voru klárlega sterkari aðilinn í leiknum en Tindastólsmenn gerðu hvað þeir gátu til að jafna leikinn. Tsonis var vísað af velli eftir klafs við Víkinginn Taskovic og síðustu mínútur leiksins urðu gestirnir skiljanlega að taka áhættu og fækka í vörninni ef þeir ætluðu að ná að jafna. Fyrir vikið fengu Víkingar ágæt færi til að bæta við mörkum en allt kom fyrir ekki og lokatölur 2-1.
Að mati blaðamanns Fótbolta.nets voru Hjörtur Hjartarson og Aron Elís Þrándarson sprækastir Víkinga en Atli Arnarson og Elvar Páll Sigurðsson voru bestir hjá Stólunum. Feykir treystir því að þetta sé rétt.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
