Ók bílnum á allt að 193 km hraða þegar slysið varð
Héraðsdómur Norðurlands vestra hefur dæmt ungan mann í fimm mánaða skilorðsbundið fangelsi fyrir glæfraakstur á Siglufjarðarvegi í Skagafirði. Í frétt á mbl.is segir að maðurinn hafi ekið á allt að 193 kílómetra hraða á klukkustund áður en hann missti stjórn á bifreiðinni og hún valt út af veginum. Farþegi hlaut alvarlegan heilaskaða í slysinu.
Maðurinn var jafnframt sviptur ökuréttindum í tólf mánuði frá birtingu dómsins og gert að greiða farþeganum 3,5 milljónir króna í miskabætur, auk vaxta og dráttarvaxta. Dómurinn féll í gær.
Slysið varð að kvöldi 11. apríl 2025, skammt sunnan við Hofsós en fjórir voru í bifreiðinni og slösuðust allir, ökumaðurinn og einn farþegi mjög alvarlega. Ökumaðurinn var tæplega átján ára þegar slysið varð.
„Leyfður hámarkshraði á veginum var 90 kílómetrar á klukkustund. Samkvæmt rannsókn lögreglu var raunhraði bifreiðarinnar á bilinu 180 til 193 kílómetrar á klukkustund rétt fyrir slysið. Við rannsókn á símum þeirra sem voru í bílnum fundust gögn úr Snapchat sem sýndu hraðamælinn í 190 kílómetrum á klukkustund.
Bifreiðin fór yfir á öfugan vegarhelming og út af veginum, þar sem hún valt þrjár til fjórar veltur á um 80 metra kafla. Hún stöðvaðist um 19 metra utan vegar,“ segir í frétt
Fram kemur í fréttinni að bíllinn hafi verið verið í svo slæmu ástandi að hann hefði ekki átt að vera í umferð. Mbl.is en nánar má lesa um málið þar >
Fleiri fréttir
-
Hrekkjavakan er á morgun!
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 30.10.2026 kl. 10.14Það eru margir – bæði ungir og aldnir – farnir að láta sig hlakka til Hrekkjavökunnar sem er einmitt núna á laugardaginn. Hrekkjavakan er árlegur viðburður sem ávallt ber upp þann 31. október. Vakan á rætur að rekja til fornrar keltneskar hátíðar sem kallaðist Samhain en nú seinni árin tengjum við þennan dag kannski frekar við bandarískar hrollvekjur og eitt og annað tengt þeim. Ekki er langt síðan að Íslendingar vöktu upp Hrekkjavökuna og Feykir afréð að spyrja Hrafnhildi Viðars út í málið en hún er ein af þeim sem störtuðu Grikk og gott á Króknum. Við hefjum leik á að spyrja hvað standi til...Meira -
Donni tekur á ný við kvennaliði Tindastóls!
feykir.is Skagafjörður, Íþróttir 30.10.2026 kl. 08.37Í gær kom tilkynning frá knattspyrnudeild Tindastóls þar sem tilkynnt var að Halldór Jón Sigurðsson, betur þekktur sem Donni, hefur verið ráðinn aðalþjálfari hjá meistarflokks kvenna og hefur undirritað þriggja ára samning við félagið. Donni þekkir að sjálfsögðu fótboltann á Króknum út og inn en hann hefur áður starfað hjá Tindastóli, þar sem hann var aðalþjálfari meistaraflokks kvenna árin 2022–2025 auk þess að hafa þjálfað karlaliðið, ýmist sem aðal- eða aðstoðarþjálfari.Meira -
Guðni Bent með U15 liði Íslands í Austurríki
feykir.is Skagafjörður, Íþróttir, Lokað efni 29.10.2026 kl. 16.22U15 landslið karla gerði í gær 3-3 jafntefli við Austurríki í fyrsta leik liðsins á UEFA Development móti sem leikið er í Austurríki þessa dagana. Einn ungur og efnilegur kappi úr unglingastarfinu hjá Tindastóli er með í ferðinni, Guðni Bent Helgason, og hann var í byrjunarliði Íslands.Meira -
Hjördís Halla og Hreindís Katla verðlaunaðar
feykir.is Skagafjörður, Íþróttir 29.10.2026 kl. 14.54Uppskeruhátíð Æskulýðsdeildar Skagfirðings var haldin 25. október í Tjarnarbæ þar sem veitt voru verðlaun fyrir tímabilið. Það voru þær Hjördís Halla Þórarinsdóttir og Hreindís Katla Sölvadóttir sem hlutu viðurkenningar að þessu sinni.Meira
