Borgarflöt 35, Sauðárkróki – Deiliskipulagstillaga á vinnslustigi
Sveitarstjórn Skagafjarðar samþykkti á 42. fundi sínum þann 15. október 2025 að auglýsa deiliskipulastillögu fyrir Borgarflöt 35 á vinnslustigi, í samræmi við 40 gr. skipulagslaga nr. 123/2010. Um er að ræða vinnslutillögu deiliskipulags fyrir uppbyggingu Háskólans á Hólum við Borgarflöt 35. Í vinnslutillögunni felst að greina kosti og möguleika sem staðsetning lóðarinnar býður uppá og leggja fram tillögu um nýtingu hennar. Ásamt því að skilgreina lóðamörk og byggingarreiti sem henta uppbyggingaráformum Háskólans á Hólum.
Meginmarkmið skipulagsins er að skapa grundvöll fyrir Háskólan á Hólum til að halda áfram að vaxa og dafna sem eftirsóttur háskóli. Áhersla er á að uppbyggingin verði farsæl fyrir samfélagið meðal annars með því að setja skilmála um að skapa fallega umgjörð um starfsemi skólans með góðri hönnun sem skili sér í útliti, notagildi og gæðum.
Áréttað er að hér er um tillögu á vinnslustigi að ræða sem er í kynningu frá 16. október 2025 með athugasemdafresti til og með 2. nóvember 2025.
Hægt er að skoða vinnslutillöguna í Skipulagsgátt Skipulagsstofnunar á www.skipulagsgatt.is undir málsnúmeri 992/2025. Vinnslutillagan mun jafnframt liggja frammi til kynningar í Ráðhúsinu, Skagfirðingabraut 17-21, Sauðárkróki á skrifstofutíma. Einnig er hægt að nálgast gögnin á heimsíðu Skagafjarðar www.skagafjordur.is
Hverjum þeim sem telja sig eiga hagsmuna að gæta er gefinn kostur á að senda inn rafrænar ábendingar og athugasemdir sem snúa að málefnum deiliskipulagsins í gegnum vef skipulagsgáttar www.skipulagsgatt.is (mál nr. 992/2025). Einnig er hægt að skila inn skriflegum umsögnum til skipulagsfulltrúa í afgreiðslu Ráðhússins, Skagfirðingabraut 17-21, 550 Sauðárkróki eða á netfangið skipulagsfulltrui@skagafjordur.is.
Deiliskipulagstillaga verður formlega auglýst síðar og gefst þá aftur tækifæri til rýni og athugasemda.
Skipulagsfulltrúi Skagafjarðar
Fleiri fréttir
-
Boðað til íbúafundar í Húnabyggð í dag
feykir.is Austur-Húnavatnssýsla 23.10.2025 kl. 11.09Allir íbúar Húnabyggðar eru boðnir velkomnir á stuttan upplýsingafund sem haldinn er í tilefni fréttatilkynningar sem fer í loftið í dag fimmtudaginn 23. október.Meira -
Lóuþrælar leggja land undir fót
feykir.is Austur-Húnavatnssýsla, Listir og menning 23.10.2025 kl. 09.44Karlakórinn Lóuþrælar í Húnaþingi vestra fagnar 40 ára starfsafmæli sínu á árinu. Nú stefna kórfélagar suður með sjó og ætla að bresta í söng þar sem landið er lítið og lágt, í Seltjarnarneskirkju, laugardaginn 25. október. Tónleikarnir hefjast kl. 16:00.Meira -
Þrenna frá Maddie dugði ekki til í spennuleik á Hlíðarenda
feykir.is Skagafjörður, Íþróttir, Lokað efni 23.10.2025 kl. 09.16Stólastúlkur mættu liði Vals í N1-höllinni á Hlíðarenda í gær í fjórðu umferð Bónus deildar kvenna. Leikurinn var æsispennandi frá byrjun til enda og skiptust liðin 13 sinnum um að hafa forystuna. Staðan var jöfn að loknum þriðja leikhluta en Valskonur náðu átta stiga forystu um miðjan fjórða leikhluta. Gestirnir náðu muninum niður í eitt stig en komust ekki nær og urðu að sætta sig við að tapa 78-75.Meira -
Frestur til að sækja um í Uppbyggingarsjóð Norðurlands vestra framlengdur!
feykir.is Skagafjörður, Austur-Húnavatnssýsla, Vestur-Húnavatnssýsla 23.10.2025 kl. 09.15Frestur til að skila umsóknum í Uppbyggingarsjóð Norðurlands vestra hefur verið framlengdur til þriðjudagsins 28. október kl. 12:00.Meira
