Breytingar á stjórnskipulagi og skipuriti Húnaþings vestra samþykktar
Miklar breytingar eru í vændum á stjórnskipulagi og skipuriti Húnaþings vestra en sveitarstjórn samþykkti á fundi sínum í gær að ráðist verði í breytingar í samræmi við tillögur starfshóps um samþykktir og stjórnsýslu sameinaðs sveitarfélags Bæjarhrepps og Húnaþings vestra og samantekt og tillögur KPMG.
Helstu tillögurnar samkvæmt fundargerð eru:
Lagt er til að Menningar- og tómstundaráð verði lagt niður. Menningarmál verði hjá byggðarráði. Íþrótta- og tómstundamál verði hjá fræðsluráði.
Lagt er til að þjónustusvið verði tvö. Annarsvegar Fjölskyldusvið og hins vegar Framkvæmda- og umhverfissvið. Stoðsvið verði eitt, Fjármála- og stjórnsýslusvið.
Lagt er til að myndað verði fjögurra manna framkvæmdaráð. Sveitarstjóri verði æðsti yfirmaður ráðsins. Auk hans sitja í ráðinu sviðstjóri fjármála- og stjórnsýslusviðs, sviðstjóri fjölskyldusviðs og sviðsstjóri framkvæmda- og umhverfissviðs.
Lagt er til að íþrótta- og tómstundamál falli undir verksvið fjölskyldusviðs. Menningarmál falli beint undir sveitarstjóra og byggðarráð. Atvinnumál falli beint undir sveitarstjóra og byggðarráð.
Lagt er til að sviðsstjóri framkvæmda- og umhverfissviðs uppfylli skilyrði til að geta sinnt störfum skipulags- og byggingarfulltrúa.
Lagt er til að hlutverk þjónustumiðstöðvar (áhaldahúss) og eignasjóðs verði samþætt og einn rekstrarstjóri verði yfir báðum verkefnum.
Lagt er til að starf íþrótta- og tómstundafulltrúa færist undir fjölskyldusvið.
Lagt er til að starf forstöðumanns bóka- og skjalasafns færist undir fjármála- og stjórnsýslusvið.
Lagt er til að hafnarvarsla færist undir verksvið þjónustumiðstöðvar (áhaldahúss).
Lagt er til að málefni slökkviliðs falli stjórnskipulega undir framkvæmda- og umhverfissvið. Fagleg málefni eru áfram á ábyrgð slökkviliðsstjóra í samræmi við lög.
Lagt er til að nýtt stjórnskipulag og skipurit taki gildi þann 1. apríl 2013.
Samþykkt var að fela sveitarstjóra að auglýsa stöður sviðsstjóra framkvæmda- og umhverfissviðs og rekstrarstjóra framkvæmda- og umhverfissviðs lausar til umsóknar.
Einnig var starf verkstjóra áhaldahúss í núverandi mynd lagt niður og sveitarstjóra falið að segja Guðmundi Erlendssyni, verkstjóra áhaldahúss upp störfum með starfslokum þann 25. janúar nk. „Sveitarstjórn Húnaþings vestra vill þakka Guðmundi Erlendssyni fyrir vel unnin störf í þágu sveitarfélagsins á liðnum árum,“ segir loks í fundargerð.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
