Byggðalistinn stakk upp á samstarfi með Sjálfstæðisflokki og Vinstri grænum
Nú eru kosningar að baki og meirihlutasamstarf Framsóknar- og Sjálfstæðisflokks staðreynd í Svf. Skagafirði án aðkomu Byggðalistans en honum var boðin þátttaka í samstarfinu sem var afþakkuð. Ólafur Bjarni Haraldsson er oddviti listans sem fékk 460 atkvæði eða rúman fimmtung atkvæða. Ólafur er sáttur við niðurstöðu kosninganna.
„Já mjög svo. Okkar hópur lagði á sig mikla vinnu á stuttum tíma sem skilaði okkur hreint út sagt ótrúlegum árangri. Við lögðum upp með að vera heiðarleg og hafa okkar baráttu ekki á neikvæðum nótum í garð annarra. Ég held að okkur hafi tekist vel til og ætlum við að halda því áfram.“ Hann segir að listinn hafi fengið tilboð um að ganga inn í núverandi meirihlutasamstarf sem var hafnað á þeim forsendum að það væri ekki vilji kjósenda miðað við niðurstöður kosninga.
Aðspurður, um hvort vilji hafi verið í þeirra röðum að fara í meirihluta með Sjálfstæðisflokki og Vinstri grænum, segir hann að þau hafi komið með þá tillögu sem fyrsta kost. „... töldum líklegra að XD og XV næðu saman fremur en XB og VÓ. Oddviti XD hafnaði þeirri tillögu.“
„Meðan meirihluti heldur er þetta í þeirra höndum. En slitni upp úr því samstarfi erum við með útfærðar lausnir á myndun meirihluta, þar sem þeim breytingum yrði náð sem kjósendur eru að biðja um. Það mun því ekki standa á okkur að axla þá ábyrgð að mynda starfhæfan meirihluta sem næði fram þeim breytingum sem kjósendur okkar vilja.“
Eitthvað sem þú vilt koma á framfæri?
„Mikilli þökk til þeirra sem kusu okkur. Ég var mjög hrærður að finna í verki fyrir þessu trausti sem við fengum, og með það í farteskinu munum við skila kjósendum okkar því sem þau treystu okkur fyrir, að vinna af heilindum þau verkefni sem okkur er ætlað að takast á við og ná fram þeim breytingum sem fólk vill. Það yrði ekki gert með því að ganga inn í meirihlutasamstarf núverandi meirihluta,“ segir Ólafur Bjarni í lokin.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.