Byggir Eleven Experience keiluhöll á Knappstöðum í Fljótum?
Í Morgunblaðinu í dag er heilmikil umfjöllun um framkvæmdir við lúxusgistihús á Deplum í Fljótum en framkvæmdir þar eru vel á veg komnar. Það er ferðaþjónustufyrirtækið Eleven Experience sem mun reka gistihúsið og er reiknað með að opnað verði í byrjun apríl á næsta ári.
Fram kemur í viðtali við Jennifer Jeffrey, markaðs- og kynningarstjóra Eleven Experience, að sömu fjárfestar eigi jarðirnar Knappstaði og Stóru-Brekku auk Depla. Hún segir að bygging keiluhallar á Knappstöðum sé bara „...ein af mörgum hugmyndum sem hafa komið upp en ekki af neinni alvöru. Keiluhöll er ekkert forgangsverkefni hjá okkur eins og staðan er í dag. Það er aldrei að vita hvað verður þegar fram í sækir.“
Áhugi hefur verið fyrir því hjá eigendum Eleven Experience að kaupa fleiri jarðir í Fljótum og skv. Mogganum hafa verið þreifingar um að kaupa Lund og Helgustaði í Fljótum en Lundur er bærinn sem Guðrún frá Lundi er kennd við. Þá hefur félagið sýnt áhuga á kaupum á gömlu húsunum í Haganesvík. Jennifer staðfestir að frekari jarðakaup í Fljótum hafi verið til skoðunar með það í huga að byggja þar upp sjálfbæran landbúnað, eins og sauðfjár- og nautgriparækt, þar sem gestir geti komið og skoðað sig um og bragðað síðan á þeim afurðum sem framleiddar eru.
Nánari upplýsingar um uppbyggingu og starfsemi Eleven Experience og Orra Vigfússonar í Fljótum er sem fyrr segir að finna í Morgunblaðinu.
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
