Byrjaði með klukku handa konunni
Í síðasta mánuði lét Steinn Ástvaldsson af störfum eftir 41 árs farsælt starf hjá Sveitarfélaginu Skagafirði. Hann er þó hvergi nærri lagstur með tærnar upp í loft en það segir hann vera það versta sem hægt sé að gera við starfslok því þá er svo erfitt að standa upp aftur. Þess heldur hefur Steini hellt sér í handverkið. „Ef maður hefur ekkert fyrir stafni þá verður maður einfaldlega vitlaus, mér finnst það fullsnemmt,“ sagði hann og hló, þegar blaðamaður Feykis leit við í skúrnum hjá honum á dögunum.
Blaðamaður fékk að skoða hvað Steini hefur verið að fást við undanfarið, jafnframt því sem spjallað var um það eftirminnilegasta frá langri starfsævi hans hjá sveitarfélaginu. Það eru ekki síst fólkið sem Steini hefur kynnst í gegnum árin sem hefur verið honum eftirminnilegt og voru margir dýrðardagar í kringum suma.
Ýmsir trémunir sem Steini hefur gert. Ljósm./BÞ
„Ég var með afskaplega skemmtilegum körlum, uppgjafarsveitamönnum sem komnir voru á áttræðis aldurinn, sem komu hingað í bæinn en þá voru ekki þessar serimóníur að hætta í síðasta lagi sjötugur. Annar þeirra var Arnbjörn Jóhannsson, ættaður frá Krossi í Óslandshlíð og hafði búið hér lengi og hinn hét Bergur Guðmundsson frá Nautabúi. Þeir voru mikið með mér þegar ég var á bílnum að taka ruslið, það var afskaplega gaman að vera með þeim - þetta voru margir dýrðardagar að hafa þessa karla. Þeir voru með pillur hvern við annan og maður gat ekki annað en notið þess,“ rifjar Steini upp og hlær.
Steini er í opnuviðtali í Feyki sem kemur út í dag.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
