Dalí, Bjartmar Guðlaugsson og Gillon á Gærunni
Hljómsveitin Dalí, Bjartmar Guðlaugsson og Gillon spila á Gærunni tónlistarhátíð á Sauðárkróki 13. – 15. ágúst. „Hljómsveitin Dalí er ný hljómsveit og er hugarfóstur söngkonunnar og bassaleikarans Erlu Stefánsdóttur,“ segir í fréttatilkynningu frá Gæruliðum.
Í tilkynningunni segir að Erla útskrifaðist úr söngdeild Tónlistarskóla FÍH árið 2011 og hefur verið iðin í íslensku tónlistarlífi síðan. Erla stofnaði Dalí síðastliðið haust og flytur hljómsveitin tónlist og texta eftir Erlu.
„Með henni í Dalí eru þeir Helgi Reynir Jónsson á gítar og Sigfús Óttarsson á trommur. Búast má við sannkallaðri tónlistarveislu á Gærunni í ár.“
https://youtu.be/NQftS3kLUAQ
Bjartmar Guðlaugsson er íslenskur tónlistarmaður, skáld og myndlistarmaður sem hóf að gefa út tónlist á níunda áratug 20. aldar.
„Flestir Íslendingar þekkja mörg lög eftir hann eins og „Súrmjólk í hádeginu“ (og cheerios á kvöldin), „Týnda kynslóðin“, „Fimmtán ára á föstu“, „Sumarliði er fullur“ o.fl. Bjartmar var einn vinsælasti tónlistarmaður á Íslandi á níunda áratugnum, sló í gegn árið 1987 þegar hann gaf út vinsælustu plötu sína „Í fylgd með fullorðnum“. Platan var næstsöluhæsta plata ársins. Plötunni fylgdi hann eftir að ári með „Með vottorð í leikfimi“.
„Tími þverslaufupoppsins er liðinn,“ sagði Bjartmar í viðtali við Þjóðviljann árið 1986 og hafði nú sýnt fram á það svo ekki var um að villast. Það er mikil tilhlökkun hjá okkur í Gærunni að fá þvílíkan höfðingja í heimsókn til okkar í ágúst!“
https://youtu.be/cdBPRSfdQOE
Gillon er skagfirskur tónlistarmaður og ljóðskáld sem hefur gefið út fimm ljóðabækur og þrjár hljómplötur. Hann spilar á kontrabassa í hljómsveitinni Contalgen Funeral.
Gillon spilar á kassagítar á sólóistakvöldi Gærunnar í ár, sem verður fimmtudagskvöldið 13. ágúst.
https://youtu.be/LB4t9DyXN88
Gæruböndin sem búið var að kynna fyrir eru:
Lockerbie, VIO, Óskar Harðar,
Lára Rúnars, The Roulette, Axel Flóvent,
Dimma og Stafrænn Hákon
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
