Dásamleg stund á Kaffihúsi með eldri borgurum!
Í dag héldu krakkarnir í Sumarfjöri Húnabyggðar kaffihús fyrir eldri borgara og það var einstaklega ánægjulegt að sjá hversu vel tókst til. Á heimasíðu Húnabyggðar segir að mætingin hafi verið frábær og krakkarnir staðið sig með miklum sóma.
„Þau tóku hlutverki sínu sem gestgjafar og þjónar alvarlega, en um leið ríkti gleði, hlýja og góð stemning. Undanfarna tvo daga hafa þau undirbúið kaffihúsið af miklum metnaði og bökuðu sjálf, bananabrauð og súkkulaðikökur. Einnig var boðið upp á nýbakaðar vöfflur, kaffi og djús.
Við erum afar stolt af þessum duglegu krökkum sem lögðu hjarta sitt í verkefnið og sköpuðu notalega samverustund fyrir gestina.
Kærar þakkir til allra sem komu og gerðu daginn svona skemmtilegan!“ segir í fréttinni.
Heimild og enn fleiri myndir: Húnabyggð.is
Fleiri fréttir
-
Falleg myndlistarsýning í hAughúsinu fjallar um að sleppa takinu
feykir.is Skagafjörður, Mannlíf, Lokað efni 09.07.2026 kl. 14.40Laugardaginn 27. júní opnaði myndlistarsýningin Sleppa í hAughúsinu. Sýningin leggur áherslu á mæðgnapör og tengsl kynslóða og er staðsett í frábæru rými í Héraðsdal í Skagafirði. Markmið sýningarinnar er að efla aðgengi almennings að samtímalist og að laða að bæði heimafólk og gesti sem heimsækja Skagafjörð yfir sumartímann. Opið á föstudögum, laugardögum og sunnudögum frá kl. 13:00 – 18:00 og mun sýningin vera opin til 9. ágúst 2026.Meira -
Setningarathöfn Landsmóts í kvöld
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Mannlíf 09.07.2026 kl. 13.29Það er fimmtudagur á Landsmóti og nú færist heldur betur fjör í leikinn og samkvæmt upplýsingum Feykis eru á sjötta þúsund gestir á svæðinu og reiknað með mikilli fjölgun í dag. Það er 14 stiga hiti á Hólum og hægur suðvestan vindur, heimsmetin falla á kynbótabrautinni og kjöraðstæður fyrir hesta og menn. Opnunarhátíðin verður síðan í kvöld og samkvæmt nýjustu fregnum verður Logi Einarssyni ráðherra íþrótta á staðnum og að sjálfsögðu Karlakórinn Heimir.Meira -
Fjármagna þarf verkið að mestu með styrkjum
feykir.is Vestur-Húnavatnssýsla, Lokað efni 09.07.2026 kl. 12.33Sagt var frá því nýlega í Feyki að til stæði að gera skurk í aðgengismálum og þjónustu við ferðamenn í nágrenni við Hvítserk og vitnað í samtal Vísis við Knút Óskarsson ferðaþjónustubónda á Ósum sem stendur fyrir uppbyggingunni með aðstoð sveitarfélagsins. Feykir lagði nokkrar spurningar fyrir Unni Valborgu Hilmarsdóttur sveitarstjóra Húnaþings vestra af þessu tilefni.Meira -
Kormákur/Hvöt áfram í 8-liða úrslit eftir vítaspyrnukeppni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 09.07.2026 kl. 11.44Í gærkvöldi fór fram leikur Kormakar/Hvatar og Kára í 16-liða úrslitum í Gatoradebikarnum. Óhætt er að segja að leikurinn á Blönduósvelli hafi verið dramatískur og spennuÞrunginn. Honum lauk með sigri heimamanna eftir tvær framlenginar og vítaspyrnukeppni.Meira
