Dagskrá Húnavöku komin í loftið
Nú styttist óðum í Húnavöku 2026 en hún fer fram í Húnabyggð dagana 15.-19. júlí. „Dagskráin er tilbúin og við erum virkilega spennt að taka á móti gestum. Það verður boðið upp á fjölbreytta dagskrá frá miðvikudegi til sunnudags, þar sem allir ættu að geta fundið eitthvað við sitt hæfi,“ segir Kristín Ingibjörg Lárusdóttir viðburðastjóri Húnavökunnar. Feykir lagði nokkrar spurningar fyrir Húnavökustjórann.
Eru íbúar Húnabyggðar að komast í Húnavökugírinn? „Já, það má klárlega finna fyrir því. Húnavakan er einn af stóru viðburðum sumarsins í Húnabyggð og það er alltaf mikil tilhlökkun. Heimafólk, brottfluttir Húnvetningar og gestir alls staðar að af landinu koma saman og það myndast einstök stemning í bænum þegar Húnavakan gengur í garð.“
Hvaða dagskrárliðir reiknarðu með að veki mesta athygli? „Það eru nokkrir dagskrárliðir sem fólk bíður alltaf spennt eftir. VILKO-vöffluröltið sló algjörlega í gegn í fyrra og við eigum von á að það verði jafn vinsælt núna. Götugrillið á fimmtudeginum er líka orðið fastur liður sem setur tóninn fyrir helgina. Svo er laugardagurinn yfirleitt hápunktur Húnavöku með markaðnum, fjölskylduskemmtuninni, brekkusöngnum og ballinu um kvöldið, ásamt ýmsum öðrum viðburðum. Leikhópurinn Lotta dregur líka alltaf að sér gríðarlega marga gesti og er orðinn einn af vinsælustu fjölskylduviðburðunum.“
Er eitthvað sem hefur slegið í gegn á Húnavöku sem kom á óvart? „Já, bæði VILKO-vöffluröltið og götugrillið fóru langt fram úr okkar væntingum í fyrra. Það mætti ótrúlegur fjöldi fólks og það skapaðist frábær stemning – auðvitað hjálpaði góða veðrið mikið til. En það sem mér finnst kannski skemmtilegast er hvað heimamenn eru duglegir að leggja sitt af mörkum. Fólk stendur fyrir alls konar sýningum, mótum, tónleikum og að opna heimili sín í vöffluröltinu og aðrir viðburðir. Þegar heimafólkið tekur svona virkan þátt myndast svo mikil samstaða og það er að mínu mati það sem gerir Húnavöku svona skemmtilega.“
Fleiri fréttir
-
Ofurhetjuhlaup og endalaust fjör á Unglingalandsmóti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Mannlíf 08.07.2026 kl. 10.42Tíminn flýgur áfram og árið 2026 þegar ríflega hálfnað. Það styttist því í Unglingalandsmótið sem verður á Króknum um verslunarmannahelgina, dagana 30. júlí til 2. ágúst, og nokkuð er síðan opnað var fyrir skráningu á mótið. Skagfirðingar geta nú átt von á að rekast á eldhressa starfsmenn mótsins, Ómar Braga og Pálínu Hraundal, hvar sem þeir eru staddir og mögulega smitast af íþróttaanda. Feykir spurði út í mótið.Meira -
Jakob Birgis flakkar um Norðurlandið
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 08.07.2026 kl. 08.52Fyrrverandi aðstoðarmaður dómsmálaráðherra, Jakob Birgis, þeytist nú um landið með uppistand en ekkert vesen. Hann verður væntanlega í miklu stuði næstu daga þegar hann heimsækir Skagaströnd, Hvammstanga og Krókinn og áður en vikan er úti verður hann búinn að stinga stóru tánni inn í næsta kjördæmi því hann hyggst einnig heimsækja Sigló. Feykir sendi Jakobi nokkrar spurningar í gær sem hann svaraði eftir að hann var búinn að fara út með hundinn.Meira -
Heimsókn í fóta og búnaðarskoðun á Landsmóti
feykir.is Skagafjörður, Íþróttir, Hestar, Lokað efni 07.07.2026 kl. 17.20Á hestamótum á reglum samkvæmt að skoða búnað bæði manns og hests og á Landsmóti er það að sjálfsögðu gert. Blaðamaður kom við hjá skoðunarmönnum, þeim Mána Hilmarssyni og Unnsteini Grétarssyni, og fékk að fræðast um þeirra störf. Það er járningamannafélag Íslands sem sér um þessi mál á Landsmóti og eru þeir staðsettir sunnan vallar og taka þar á móti keppendum þegar þeir hafa lokið keppni. Það eru fimm kappar sem skiptast á í þessu ábyrgðarmikla starfi.Meira -
Ferðamaður festist í grjóti við höfnina á Sauðárkróki
feykir.is Skagafjörður, Lokað efni 07.07.2026 kl. 15.36Björgunarsveitin Skagfirðingasveit var kölluð út á Sauðárkróki síðastliðinn sunnudag, 5. júlí, vegna óvenjulegs atviks við hafnargarðinn. Erlendur ferðamaður hafði fest sig rækilega á milli stórgrýtis í garðinum eftir að hafa reynt að bjarga síma sínum. Þetta var sjötta útkall sveitarinnar það sem af er sumri.Meira
