Ekki sátt um styttingu opnunartíma sundlauga
Nýverið var íbúum Skagafjarðar tilkynnt um breyttan opnunartíma á sundstöðum í héraðinu. Ekki eru allir sáttir við þá ráðagerð og heyrst hefur að viðskiptavinir sundlaugarinnar í Varmahlíð séu einkar ósáttir. Flestir fara í sund eftir kvöldmat segir ósáttur íbúi á svæðinu.
Það er stytting opnunartímans eftir kvöldmat sem ósættinu veldur en til skamms tíma var opið til klukkan 21, en lengi vel þar á undan til 21:30, samkvæmt íbúa svæðisins sem hafði samband við Feyki. Telur hann að nú sé búið að gera þeim mörgu viðskiptavinum sem hafa verið að koma eftir kvöldmat eða gegningum í sveitum afar erfitt fyrir þar sem þeir sækja sundlaugina á þeim tíma. Þá hefur meðferðarstofnunin á Háholti verið stór viðskiptavinur sundlaugarinnar og segir Ari J. Sigurðsson forstöðumaður þess, að þessi breyting hafi gríðarleg áhrif á starfsemi þeirra þar sem farið er samkvæmt dagskrá á þessum tíma í sund. Samkvæmt heimildum Feykis er verið að undirbúa undirskriftarsöfnun á stór Varmahlíðarsvæðinu til að mótmæla þessum gjörningi Sveitarfélagsins.
Á síðasta fundi byggðaráðs lagði Sigurjón Þórðarson fulltrúi Frjálslynda fram fyrirspurn til ráðsins um styttan opnunartíma Sundlaugar Sauðárkróks og vildi fá að vita hvað myndi sparast háar fjárhæðir á mánuði við þá aðgerð.
Þá óskaði hann eftir því að fá yfirlit yfir heildarlaunakostnað Sveitarfélagsins Skagafjarðar allra fastra starfsmanna á "frístundasviði" á árinu 2011 og hversu marga mánuði viðkomandi var í vinnu.
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
