Enn óvissustig vegna snjóflóðahættu á Norðurlandi
Veður hefur verið með versta móti í Skagafirði síðustu daga þó ekki hafi það náð hæðum óveðranna sem dundu yfir síðasta vetur. Heldur hefur nú dregið úr vindi og ofankomu en veður hefur verið vont nánast alla vikuna þó færð hafi fyrst farið að spillast á miðvikudag. Nokkur snjóflóð hafa fallið Norðanlands og var þjóðvegi 1 yfir Öxnadalsheiði til dæmis lokað þar sem flóð hafa fallið á hann og þá féll flóð fyrir ofan bæinn Smiðsgerði í Kolbeinsdal í Skagafirði. Það flóð féll að líkindum í gærmorgun eða í fyrrinótt.
Smiðsgerði er rétt innan við Sleitustaði en mbl.is hafði í gær eftir ábúandanum, Jóni Árna Friðjónssyni, að hann óttaðist að flóð hefðu fallið ansi víða í hlíðinni. „En það hefur alla vega farið einhver spýja hérna niður og tekið ... bárujárnsskúr, sem var nú ekki ýkja merkileg bygging, svolítið hér fyrir innan bæinn,“ segir Jón Árni. „Það er búið að vera skítaveður og mikið fannfergi. Það er ekki óalgengt að það falli snjóflóð úr þessum fjöllum, svona á heildina litið, þetta er nú langur fjallgarður.“
Í frétt RÚV nú í hádeginu, af sama atburði, kemur fram að umræddur skúr hafi staðið um 250 metra ofan við bæinn Smiðsgerði en líkur eru taldar á því að í það minnsta þrjú hross hafi drepist í flóðinu.
Miklum snjó hefur kyngt niður síðustu daga og töluverð ófærð á Tröllaskaga og nágrenni. Þannig hafa vegirnir yfir Vatnsskarð og Þverárfjall oft verið ófærir (Þverárfjallsvegur reyndar í sjö daga samfleytt), sömuleiðis hefur Siglufjarðarvegur verið mikið lokaður og þá hefur Öxnadalsheiði verið lokuð nú um helgina og er enn lokuð. Þrjú snjóflóð féllu á veginn og lokuðu honum sl. föstudagskvöld en þá var rutt í gegn og vegfarendum, sem voru stopp, hjálpað. Var veginum lokað í framhaldinu, enda aðstæður ótryggar. Fjórða flóðið féll svo nú um helgina á sama stað og hin fyrri og er sagt stórt. Ófært er yfir Þverárfjall.
Enn er óvissustig vegna snjóflóðahættu á Norðurlandi vestra en samkvæmt veðurspá Veðurstofunnar er reiknað með skaplegra veðri á Tröllaskagasvæðinu næstu daga en þá dregur úr vindi og ofankomu.
Veður er nú skaplegt á Sauðárkróki eftir dimmu, drunga og éljagang síðustu daga í norðanstrekkingi. Að sögn Halldórs Gunnars Hálfdanssonar á Molastöðum í Fljótum er enn hvassviðri þar og komnir háir skaflar. Aðspurður hvort snjólétt hefði verið í Fljótum segir hann: „Já, við vorum farin að halda að við myndum sleppa þennan vetur.“
„Hér hefur snjóað nánast stanslaust í fimm sólarhringa í annars góðu veðri, logni og 1-2 gráðu frosti. Hér er því mikið fannfergi þó ekki sé snjókoma eins og er,“ segir Sigríður Björnsdóttir, bóndi og dýralæknir á Kálfsstöðum í Hjaltadal, en hún tók myndirnar, sem fylgja fréttinni, nú um helgina.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.