Fatlaðir í vanda við Glaumbæ
Feyki barst ábending frá Friðriki Brekkan, leiðsögumanni um slæmt aðgengi fyrir fatlaða að Glaumbæjarsafni en þangað fór hann með hóp fyrr í haust. Hann segir að einn af hápunktum ferðarinnar hafi átt að vera ferð til að skoða þjóðlega hluti m.a. í Glaumbæ í Skagafirði.
Friðrik segir að allir hafi þurft frá að hverfa vegna hugsunarleysis í garð fatlaðra en salernið við bílastæðið sé í góðu lagi. Þá sé það upp talið sem gert hefur verið fyrr fatlað fólk við Glaumbæinn. „Kom síðast fyrir 6 árum að Glaumbæ með sams konar hóp og ekkert hefur verið gert nema hugsanlega þetta eina WC,“ segir Friðrik sem hvetur sveitarfélagið til að bæta um.
Sigríður Sigurðardóttir safnstjóri hjá Byggðasafni Skagfirðinga segir að upp að gamla bænum í Glaumbæ hafi verið lagður hellustígur í fyrra til að auðvelda aðkomu fólks og til að verja grasfleti. Við hlið hans upp á bæjarhlað er malarstígur með mjög fínni möl. Þessir stígar eru nokkuð brattir á parti en langflestir komast þá. Hún telur að hjólastólar af þeirri gerð sem komu í fyrrgreinda heimsókn komist sennilega ekki um nema um malbikaða stíga.
„Við höfum ekki planað lagningu malbikaðra stíga að bænum í náinni framtíð en hver veit hvað bíður þar. Gamli bærinn er alfriðaður og honum verður ekki breytt, hvorki með reglugerðum nútímans né þekktum framtíðarplönum, nema varðveislumálum verði kúvent,“ segir Sigríður og bætir við að auðvitað sé það leiðinlegt að það komist ekki allir alveg að bænum og eða inn í hann. Það sé hinsvegar staðreynd.
„Við verðum að treysta dómgreind þeirra sem skipuleggja ferðir fólks. Langflestir hafa samband fyrirfram þegar skipulagðar eru ferðir inn á svæði eins og gamla bæjarhóla og ójafna jörð, með fólk í hjólastólum. Það á ekki að þurfa að hrella fólk með heimsókn á staði sem eru ómögulegir yfirferðar.“
Áður birst í Feyki 35. tbl.
Fleiri fréttir
-
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira
