FISK miðlar af reynslu sinni
Fyrir skemmstu fékk FISK Seafood forvarnarverðlaun VÍS fyrir framúrskarandi árangur í forvarna- og öryggismálum. Verðlaunin voru afhent á ráðstefnu sem VÍS og Vinnueftirlitið efna árlega til sunnan heiða. Hún er sú stærsta sinnar tegundar á landinu og vegna mikils áhuga hefur nú verið ákveðið að færa út kvíarnar og breiða boðskapinn út á Norðurlandi með forvarnarráðstefnu í Menningarhúsinu Hofi á Akureyri 2. apríl nk.
Í tilefni þess verður Guðrún Sighvatsdóttir öryggisstjóri FISK Seafood á meðal fyrirlesara þar sem hún fer yfir hvernig fyrirtækið hefur náð þessum frábæra árangri.
„Þegar forvarnasamstarfið við VÍS hófst fyrir nokkrum árum sáum við ekki fyrir hve árangursríkt það gæti orðið. Tekist hefur að fækka slysum til sjós með bættum öryggisbúnaði og sérstaklega samstilltu átaki starfsmanna okkar sem hafa allir komið að þessu með breyttri og jákvæðir hugsun. Það er okkur mikil ánægja að leggja forvarnastarfi lið með því að miðla þeirri reynslu og þekkingu sem hér hefur áunnist á undanförnum árum.“
Norðlendingar bera uppi ráðstefnuna þar sem fulltrúar fyrirtækja og sveitarfélaga vítt og breytt um fjórðunginn miðla af reynslu sinni. Þá segir Dalvíkingurinn Kristján Guðmundsson frá því þegar hann stórslasaðist við löndun, lét næstum lífið og hvernig vinnuveitandinn brást við í kjölfarið með úrbótum á vinnulagi.
Aðgangur á ráðstefnuna er ókeypis og öllum heimil þátttaka. Skráning og allar frekari upplýsingar er að finna á vef VÍS.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
