Hjördís Halla og Hreindís Katla verðlaunaðar
Uppskeruhátíð Æskulýðsdeildar Skagfirðings var haldin 25. október í Tjarnarbæ þar sem veitt voru verðlaun fyrir tímabilið. Það voru þær Hjördís Halla Þórarinsdóttir og Hreindís Katla Sölvadóttir sem hlutu viðurkenningar að þessu sinni.
Knapi ársins í unglingaflokki árið 2026 er Hjördís Halla Þórarinsdóttir en hún átti frábært ár. Hún sigraði tölt á WR Hólamóti Skagfirðings ásamt því að vera í 1.-2. sæti í fjórgangi og 2. sæti í fimmgangi. Á WR móti Léttis sigraði hún þrjár greinar. Á Landsmóti á Hólum komst hún í milliriðlaen hápunktur ársins var Ís-landsmeistaratitill í fimmgangi þar sem hún sigraði á Fáki frá Oddhóli.
Einnig voru tilnefndar; Arnheiður Kristín Guðmundsdóttir, Greta Berglind Jakobsdóttir, Sigríður Elva Elvarsdóttir og Sigrún Sunna Reynisdóttir. Farandbikar í unglingaflokki er gefinn af Höfðaströnd ehf. en þau gáfu bikarinn í minningu Símonar Inga Gestssonar.
Knapi ársins í barnaflokki 2026 er Hreindís Katla Sölvadóttir en hún stóð sig virkilega vel á árinu með Bárð frá Króksstöðum. Þau sigruðu meðal annars Félagsmót Skagfirðings þar sem þau hlutu 8.54 í einkunn, sigruðu þrjár greinar í Skagfirsku mótaröðinni og voru í 2.-3. sæti á WR Hólamóti Skagfirðings.
Einnig voru tilnefndar; Auður Fanney Davíðsdóttir, Brynja Rósanna Brynjólfsdóttir, Iðunn Alma Davíðsdóttir og Ólöf Una Pétursdóttir. Farandbikar í barnaflokki er gefinn af Syðra-Skörðugili.
Feykir óskar þessum fræknu knöpum til hamingju og Skagfirðingi til lukku með glæsilegt barna og unglingastarf. Hægt er að lesa meira um þetta á Facebook-síðu Skagfirðings. /hmj
Fleiri fréttir
-
Háskóli Íslands á Hólum er mættur til leiks
feykir.is Skagafjörður, Mannlíf, Lokað efni 29.10.2026 kl. 14.35Af því tilefni stóðu Háskólinn og Kaupfélag Skagfirðinga fyrir málþingi 19. okt. undir yfirskriftinni: Frá þekkingu til verðmæta: Samstarf háskóla og atvinnulífs um öfluga matvælaframleiðslu. Þar voru mættir stjórnendur frá HÍ, sveitarstjórnarfólk og fulltrúar atvinnulífsins í Skagafirði.Meira -
Stefnir í stærsta Hrekkjavökuball sögunnar á Hofsósi
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 29.10.2026 kl. 13.44„Föstudaginn 30. október mun fara fram Halloween ball Friðar 2026 í Höfðaborg á Hofsósi. Þetta er árlegur viðburður sem við erum alltaf með en þessi er sá stærsti sem við höfum haldið,“ segir Konráð Freyr Sigurðsson forstöðumaður Húss frítímans / Félagsmiðstöðvarinnar Friðar á Sauðárkróki þegar Feykir spurði hann í morgun út í Hrekkjavökuballið mikla.Meira -
Maddie Sutton til liðs við Stólastúlkur á ný
feykir.is Skagafjörður, Íþróttir 29.10.2026 kl. 13.27Líkt og Feykir sagði frá fyrr í morgun þá hefur Körfuknattleiksdeild Tindastóls samið á ný við Maddie Sutton og mun hún mæta til leiks á næstu vikum. „Maddie hefur látið vel að sér kveða innan vallar sem utan og hefur unnið hug og hjörtu leikmanna, þjálfara og stuðningsfólks. Hún er einstaklega geðþekk og jákvæð og kemur með góða stemningu í hópinn,“ segir í tulkynningu frá kkd. Tindastóls.Meira -
Myndlistasýning barna í Hillebrandtshúsi á Blönduósi
feykir.is Austur-Húnavatnssýsla, Listir og menning 29.10.2026 kl. 11.48Barnamenningarhátíðin Skúnaskrall er í fullum gangi á Norðurlandi vestra. Hátíðin hófst 21. október og stendur hún til 4. nóvember, undir yfirskriftinni Öll saman. Nú á föstudaginn opnar myndlistasýning í Hillebrandtshúsinu á Blönduósi en þema hennar er Börn.Meira
