FISK Seafood hlaut Forvarnarverðlaun VÍS
FISK Seafood ehf. á Sauðárkróki hreppti Forvarnarverðlaun VÍS 2014 sem afhent voru á forvarnaráðstefnunni Skipulag og stjórn öryggismála sem haldin var á Hilton Reykjavík Nordica í gær. Forvarnarverðlaun VÍS eru veitt fyrir framúrskarandi forvarnir og öryggismál og er FISK Seafood þar í fremstu röð.
Jafnframt fengu Gæðabakstur / Ömmubakstur ehf. og Klettur – sala og þjónusta ehf. viðurkenningu frá VÍS fyrir góðan árangur í forvörnum og öryggismálum.
Haustið 2009 einsetti yfirstjórn FISK Seafood ehf. sér að efla öryggismál sjómanna og innleiða bætta öryggismenningu um borð í skipaflota sínum. Skipaður var ábyrgðarmaður í landi til að samræma auknar kröfur og áherslur í öryggismálum sjómanna og sérstöku skipulagi þessara mála komið á um borð í skipum útgerðarinnar. Gert var áhættumat starfa og tekin upp virk atvikaskráning á næstum því óhöppum og slysum. Þetta leiddi til að þess að öryggismál í allri starfsemi fyrirtækisins, bæði landi og sjó, voru samræmd og gerð hluti af gæðastjórn fyrirtækisins.
FISK Seafood er eitt stærsta útgerðarfyrirtæki landsins með 260 starfsmenn, þar af 138 sjómenn. Það er ekki aðeins leiðandi fyrirtæki í öryggismálum sjómanna heldur einnig í fiskvinnslu. Til að mynda hefur eigið mánaðarlegt eldvarnareftirlit verið tekið upp í landvinnslunni. Sömuleiðis hafa forsvarsmenn fyrirtækisins verið ötulir að benda þjónustuaðilum og vertökum þeirra á að fara beri eftir vinnuverndarlögunum og mælst til þess að slíkt sé gert þegar unnið er fyrir FISK Seafood.
Fyrirtækið er fyrirmyndardæmi um hve miklum árangri hægt er að ná í efla forvarnir og öryggismál fyrirtækja þegar yfirstjórn sýnir þeim málaflokki raunverulegan og sýnilegan stuðning.
Þetta er í fimmta sinn sem Forvarnarverðlaun VÍS eru veitt fyrirmyndarfyrirtækjum á þessu sviði. Áður hafa Félagsbústaðir hf., Strætó bs., Rio Tinto Alcan og Þörungaverksmiðjan á Reykhólum hreppt verðlaunagripinn Að byrgja brunninn sem listamaðurinn Ólafur Geir Þorvaldsson gerði fyrir fyrstu forvarnaráðstefnu VÍS árið 2010.
Á meðfylgjandi mynd eru: Auður Björk Guðmundsdóttir framkvæmdastjóri fyrirtækjasviðs VÍS, Guðrún Sighvatsdóttir öryggisstjóri FISK, Erla Jónsdóttir gæða- og fjármálastjóri FISK, Sigrún Ragna Ólafsdóttir forstjóri VÍS og Gísli Níls Einarsson sérfræðingur í forvörnum hjá VÍS.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
