Fjögur víti dæmd í fjörugum jafnteflisleik í Hveragerði
Tindastólsmenn heimsóttu lið Hamars í Hveragerði í dag í 4. deildinni í fótboltanum. Stólarnir unnu fyrsta leikinn í deildinni á dögunum en lið Hamars hafði spilað tvo leiki og unnið báða. Liðin buðu upp á markaleik í dag en skiptu stigunum jafnt á milli sín eftir að dómarinn gaf báðum liðum tvær vítaspyrnur í leiknum – fjórar alls! – þar sem mögulega hefði ekki átt að dæma eina einustu. Lokatölur 3-3.
Heimamenn voru sterkari aðilinn í fyrri hálfleik og komust yfir strax á 12. mínútu með marki Mána Snæs Benediktssonar. Torfi Már Markússon bætti um betur á 40. mínútu með marki úr víti en Konni lagaði stöðuna fyrir Stóla úr vítaspyrnu á 42. mínútu. Staðan 2-1 í hálfleik.
Tindastólsmenn komu beittari til leiks í síðari hálfleik en það var ekki fyrr en á 73. mínútu sem Manuel Ferriol Martinez jafnaði leikinn. Á 89. mínútu fengu Stólarnir víti sem Konni skoraði úr en á fimmtu mínútu uppbótartíma gaf dómarinn fjórða vítið og Ridrigo Depetris jafnaði leikinn.
Sverrir ánægður með spilamennsku Stólanna
Feykir spurði Sverri Hrafn, fyrirliða Tindastóls, hvernig leikurinn hefði verið og hvort úrslitin hefðu verið sanngjörn. „Þetta var svolítið leikur tveggja hálfleika þar sem þeir voru kraftmeiri í fyrri hálfleik og komust yfir snemma.“ Sverrir sagði að víti Hamars hafi verið mjög skrítið þar sem leikmaðuinn hefði runnið á boltanum. „En við komum miklu betur út í seinni hálfleikinn og vorum töluvert betri aðilinn og komumst sanngjarnt yfir í leiknum. Svo fá þeir víti í lokin sem var líka mjög skrítið þar sem tveir leikmenn skalla saman og fá víti út því. Leikur þar sem dómarinn dæmir fjögur víti og mögulega átti ekkert þeirra að vera víti. Við erum klárlega svekktir að vinna ekki leikinn en tökum stigið.
Hvernig finnst þér lið Tindastóls fara af stað í deildinni, ertu ánægður með leik liðsins? „Við förum bara vel af stað miðað við að hafa spilað á tveimur erfiðum útivöllum þá erum við þokkalega sáttir. Ég persónulega er mjög ánægður með okkar lið og hvernig við erum að spila. Við leggjum upp með að spila góðan og skemmtilegan fótbolta. Góðir erlendir leikmenn komnir inn sem og ungir strákar að fá hlutverk í liðinu sem er frábært. Heilt yfir bara sáttur með okkur og bjartsýnn fyrir komandi sumri.
Eftir viku halda strákarnir að Hlíðarenda og spila við Knattspyrnufélag Hlíðarenda en fyrsti heimaleikur liðsins verður væntanlega 1. júní þegar Kría kemur í heimsókn á nýlagfært gervigrasið á Króknum – vonandi.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.