Fjölbreytt verkefni á Sóknarbrautarnámskeiði Nýsköpunarmiðstöðvar Íslands
Fimmtudaginn 9. desember lauk námskeiðinu Sóknarbraut í Húnavatnssýslum þar sem þátttakendur kynntu afrakstur vinnu sinnar fyrir námskeiðshópnum og nokkrum gestum. Námskeiðið var haldið á tveimur stöðum þetta misserið, á Blönduósi og á Hvammstanga.
Forsenda fyrir þátttöku í verkefninu Sóknarbraut er sú að viðkomandi hafi viðskiptahugmynd sem hann/hún vill vinna að og tengja saman við námsefni námskeiðsins en tilgangur námskeiðsins er að brúa bilið á milli hugmyndar að fyrirtæki og markvissrar framkvæmdar. Þátttakendum í verkefninu stendur til boða margvíslegur stuðningur á meðan námskeiðinu stendur sem og að því loknu frá Impru á Nýsköpunarmiðstöð Íslands og SSNV.
Alls sátu 15 þátttakendur námskeiðið þetta misserið en námskeiðið er alls 40 stundir. Tíu þátttakendur útskrifuðust af námskeiðinu með kynningu á verkefni sínu og bættast þar með í hóp rúmlega 150 aðila sem lokið hafa þátt í námskeiðinu vítt og breitt um landið síðan 2005. Mun fleiri hafa nýtt sér aðra þætti námskeiðsins og þá þjónustu sem er í boði hjá Impru á Nýsköpunarmiðstöð Íslands. Viðskiptahugmyndir þátttakendanna sem luku námskeiðinu voru af fjölbreyttum toga og hafa nokkrir þátttakendanna stofnað fyrirtæki nú þegar en aðrir skoðuðu ný tækifæri til atvinnusköpunar í sinni heimabyggð.
Framkvæmd Sóknarbrautarnámskeiðsins vorið 2010 var unnin í samstarfi við Samtök sveitarfélaga á Norðurlandi vestra.
Á meðfylgjandi mynd má sjá hluta þátttakenda á námskeiðinu Sóknarbraut.
/Selma Dögg
Fleiri fréttir
-
Enn bætir Tindastóll í
feykir.is Skagafjörður, Íþróttir, Lokað efni 02.08.2025 kl. 14.40Körfuknattleiksdeild Tindastóls hefur gengið frá samningi við spænsku körfuknattleikskonuna Mörtu Hermida um að leika með liðinu á komandi tímabili. Þetta er mikill fengur fyrir Tindastól og spennandi tímabil framundan hjá kvennaliðinu.Meira -
Ferða og gleði helgin mikla
feykir.is Skagafjörður, Lokað efni 01.08.2025 kl. 18.00Upp er runnin verslunaramannahelgi. Nú þeytist landinn landshorna á milli fullur eftirvæntingar um botnlaust stuð. Það var þétt setið bílaplanið við Olís Varmahlíð um kl:16 í dag. Það hefur verið mikil umferð síðustu daga og virðist flestum liggja mikið á.Meira -
Fyrsta Landsmótið í hestafimleikum á Íslandi haldið á Hvammstanga
feykir.is Íþróttir, Vestur-Húnavatnssýsla 01.08.2025 kl. 15.00Dagana 15.-18. júlí fór fram fyrsta landsmót í hestafimleikum á Íslandi og var það haldið í Þytsheimum á Hvammstanga. Sex hópar, frá Hvammstanga, Borgarfirði, Snæfellsnesi og Suðurlandi tóku þátt og sýndu alskonar kúnstir. Þó sumir hóparnir væru frekar nýlega stofnaðir og æfingastigið því mjög mismunandi stóðu öll börnin sig einstaklega vel og fengu verðskuldaða viðurkenningu.Meira -
Það verður góð stund á Ábæ
feykir.is Skagafjörður, Mannlíf 01.08.2025 kl. 09.24Hin árlega Ábæjarmessa verður á Ábæ í Austurdal sunnudaginn 3. ágúst kl. 14:00. Sr. Karl V. Matthíasson þjónar fyrir altari. Sönghópurinn Vorvindar glaðir leiða söng við undirleik Friðriks Þórs Jónssonar. Fólk er hvatt til að taka með sér nesti og eiga saman góða stund eftir messu í einstöku umhverfi. Veðurspáin fyrir sunnudaginn er ágæt, hlýtt og þurrt, svo fegurð Austurdals ætti að njóta sín.Meira -
Eldur í Hún tókst vel og allir sáttir
feykir.is Vestur-Húnavatnssýsla, Mannlíf, Lokað efni 31.07.2025 kl. 13.50Hátíðin góða Eldur í Húnaþingi fór fram í síðustu viku og lauk á sunnudaginn. Framkvæmdanefndin hefur sent frá sér eftirfarandi yfirlýsingu:Meira
