Fjöldi fólks sótti Sveitasælu
Landbúnaðarsýningin og bændahátíðin Sveitasæla 2012 var haldin í reiðhöllinni Svaðastaðir á Sauðárkróki um helgina og að venju var margt í boði. Að sögn Karls Jónssonar hjá Markvert má áætla að gestir hafi verið um 2000 talsins sem sóttu sýninguna.
Karl segir að það hafi verið vaskur hópur sem stóð að baki sýningarinnar: „Afar virkir fulltrúar búgreinafélaganna og sveitarfélagsins auk fulltrúa eigenda reiðhallarinnar. Þessi hópur var samhentur frá upphafi og staðráðinn í að búa til góða sýningu.“
Hversu margir sýnendur voru?
- Það voru þrír vélasalar með sýningu utandyra, ásamt því að skagfirskir bændur sýndu hluta af sínum vélum og tækjum. Inni voru 13 aðilar með kynningarbása, auk þess sem handverksmarkaðurinn stóð saman af einum 13 seljendum. Þá var kynning á ýmsu eins og ullarvinnslu, skyrgerð, smjörstrokkun og fleiru þannig að allir gátu fengið eitthvað áhugavert að skoða. Það hafði vissulega áhrif á okkar sýningu að skömmu áður var landbúnaðarsýning í Eyjafirðinum, en áhrifin af því voru þó minni en maður óttaðist. Vélasalar virðast margir virða það við okkur hér að okkar sýning er haldin árlega og þeir vildu ekki sleppa úr ári.
Einhver hugmynd um fjölda gesta?
- Ég er nú enginn Geir Jón, en kunnugir sögðu að það hafi verið svipaður fjöldi gesta og í fyrra og þá voru þeir áætlaðir tæplega 2000. Tvisvar á opnunartíma sýningarinnar var nánast maður við mann út um alla höll og tímabili þurfti fólk að leggja við alla leið við innkeyrsluna að reiðhöllinni. Þannig að við erum ljómandi sátt með aðsóknina.
Eitthvað sem vakti meiri athygli en annað?
- Ekki sem hönd er á festandi, þarna var um mjög skemmtilegar og áhugaverðar kynningar að ræða, en ég held að dýragarðurinn og allt sem snýr að dýrunum sé alltaf mjög vinsælt, krakkarnir fljótir að leiða pabba og mömmu í áttina að dýrunum.
Hvernig var mæting um kvöldið?
- Það var ágæt mæting á kvöldvökuna og stemmningin góð. Gísli Einars fór náttúrlega á kostum eins og honum einum er lagið og bændafitnessið var stórskemmtilegt og ótrúlegt að menn hafi ekki legið óvígir eftir það eins og tilþrifin voru. Sigvaldi á Löngumýri opnaði kvöldvökuna með flottu söngatriði og svo komu þau fram Sunna, Sóla og Daníel og fluttu nokkur lög. Það var svo trúbadorinn Rúnar F sem lokaði kvöldvökunni hjá okkur í góðu stuði þannig að það fóru allir heim með bros á vör.
Myndir: Markvert ehf.
.
Fleiri fréttir
-
Jólatréssalan á Eyrinni komin í gang
feykir.is Skagafjörður 17.12.2025 kl. 16.36Jólatréssala körfuknattleiksdeilar Tindastóls fór í gang í dag og nú er ekkert annað í stöðunni en mæta á sama gamla góða staðinn á Eyrinni, hitta fyrir eldhressa körfuboltamenn og fara heim með jólin í skottinu – enda ekkert betra en ilmurinn af lifandi tré yfir jólin.Meira -
Stelpurnar fengu KR en strákarnir Snæfell
feykir.is Skagafjörður, Íþróttir, Lokað efni 17.12.2025 kl. 16.14Dregið var í átta liða úrslit VÍS bikarsins í körfuknattleik í hádeginu í dag. Tindastóll átti lið í pottunum báðum þar sem bæði karla- og kvennalið félagsins höfðu unnið leiki sína sl. sunnudag. Stelpurnar fengu heimaleik gegn spræku liði KR og þar verður væntanlega hart barist. Leið karlaliðsins í fjögurra liða úrslit ætti að vera nokkuð örugg þar sem Stólarnir fengu útileik gegn 1. deildar liði Snæfells.Meira -
Heimismenn sjálfir í aðalhlutverki
feykir.is Skagafjörður 17.12.2025 kl. 10.25Karlakórinn Heimir heldur sína árlegu áramótatónleika í Miðgarði þann 28. desember næstkomandi. Af því tilefni hafði blaðamaður samband við Atla Gunnar Arnórsson formann kórsins, til þess að forvitnast um tónleikana og starfsemi kórsins í haust og vetur.Meira -
Jólamót Molduxa haldið enn og aftur
feykir.is Skagafjörður, Íþróttir 17.12.2025 kl. 09.47Jólamót Molduxa verður haldið samkvæmt venju annan dag jóla en mótið er í hugum margra ómissandi þáttur í jólahefð Skagfirðinga. Samkvæmt bestu vitund talnagleggstu Molduxa er þetta mót það 32. sem haldið er.Meira -
Síðasti Feykir ársins 2025 kominn úr prentun
feykir.is Skagafjörður, Austur-Húnavatnssýsla, Vestur-Húnavatnssýsla 17.12.2025 kl. 09.40Þá er kominn út síðasti Feykir ársins 2025. Svokallað jólakveðjublað enda fullt af jólakveðjum og auglýsingum og sennilega hefur þetta síðasta blað fyrir jól aldrei verið stærra, heilar 36 síður. Að sjálfsögðu er blaðið stútfullt af áhugaverðum umfjöllunum og viðtölum. Blaðið fer í drefingu í dag en er þegar opið í rafrænni áskrift.Meira
