Fjölnismenn kipptu löppunum undan Stólunum
Tindastólsmenn riðu engum hesti úr Grafarvoginum í gær eftir að lið Fjölnis fór frekar illa með Stólana sem náðu sér ekki á strik nema rétt á fjögurra mínútna kafla undir lok þriðja leikhluta. Það dugði að sjálfsögðu skammt og heimamenn hirtu því stigin dýrmætu en lokatölur urðu 106-87.
Fjölnismenn hófu leik um leið og flautað var til leiks og komust í 13-0 og skemmst frá því að segja að Tindastólsmenn voru aldrei nálægt því að jafna þann mun. Bárður tók leikhlé og í kjölfarið gerði Miller fyrstu stig Stólanna en Fjölnismenn komust síðan í 18-2 og þá voru ekki liðnar 4 mínútur af leiknum! Sem betur fer fyrir strákana var Þröstur Leó með stillt á túrbó og sá til þess að eitthvað lífsmark væri Stólamegin á stigatöflunni. Staðan 36-21 að loknum fyrsta leikhluta.
Fjölnir jók muninn í 20 stig snemma í öðrum leikhluta, 44-24, og varð munurinn mestur 23 stig, 49-26. Tindastólsmenn voru bara alls ekki að ná sér á strik í vörn eða sókn en náðu þó að hægja aðeins á sprækum Fjölnismönnum síðustu mínútur leikhlutans. Staðan í hálfleik 55-37.
Munurinn á liðunum hélst svipaður fram eftir þriðja leikhluta en um hann miðjan kom besti kafli Tindastóls þar sem strákarnir minnkuðu muninn úr 64-45 í 74-64 en á þeim kafla stigu Þröstur og Svabbi upp. Staðan 76-64 þegar fjórði leikhluti hófst og nú var smá von til þess að Stólarnir færu að nota bensínfótinn. Það voru hins vegar heimamenn sem gerðu fystu 5 stigin og eftir það áttu Stólarnir aldrei séns og Fjölnir tryggði sér öruggan 19 stiga sigur, 106-87.
Fjölnismenn voru sterkari á öllum sviðum í gærkvöldi og varla hægt að segja að Stólarnir hafi mætt til leiks. Lið Fjölnis lék af miklum krafti en breiddin er ekki mikil í liðinu. Það kom þó ekki að sök í gærkvöldi og réðu Stólarnir lítið við Nathan Walkup sem tók 12 fráköst og gerði 35 stig. Igor Tratnik spilaði fyrsta leik sinn fyrir Tindastóls, gerði 10 stig og tók 7 fráköst. Kappinn spilaði í rétt tæpar 16 mínútur og náði sér í 5 villur á þeim tíma. Þröstur Leó var í miklum ham og gerði 23 stig í leiknum og hefði nú verið skemmtilegra fyrir hann ef fleiri leikmenn hefðu tekið þátt í partíinu með honum. Þá skilaði Svabbi niður 14 stigum. Aðrir leikmenn þurfa að girða sig í brók fyrir sunnudaginn þegar KR mætir í Síkið í undanúrslitum Powerade bikarsins.
Stig Tindastóls: Þröstur Leó 23, Miller 14/9 fráköst, Svabbi 14, Allen 10, Tratnik 10, Rikki 9, Hreinsi 4, Helgi Freyr 2 og Helgi Rafn 1.
Björn Ingvarsson var á leiknum og hafði myndavélina með sér. Hér má finna nokkrar fínar myndir frá í gærkvöldi >
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
