Fjölnismenn voru sterkari í Síkinu
Tindastóll tók á móti Fjölnismönnum í Síkinu í kvöld. Bæði lið voru án sigurs í Iceland Express-deildinni fyrir leikinn og því mikilvægt að krækja í stigin 2 sem í boði voru. Því miður fyrir stuðningsmenn Tindastóls fundu heimamenn aldrei almennilega taktinn og voru undir nánast allan leikinn og töpuðu á endanum með 9 stiga mun, lokatölur 89-98 fyrir Fjölni.
Leikurinn fór vel af stað og jafnræði með liðunum framan af. En þegar 5 mínútur voru liðnar slokknaði hreinlega á Stólunum og á 3 mínútum skoruðu gestirnir 14 stig í röð og breyttu stöðunni úr 13-15 í 13-29. Aðeins náðu Tindastólsmenn að klóra í bakkann fyrir lok fyrsta leikhluta og héldu síðan áfram að saxa á forskot Fjölnis í upphafi annars leikhluta og fór þá Trey Hampton mikinn í sókninni. Helgi Rafn minnkaði muninn í eitt stig um miðjan leikhlutann. Fjölnir náði þá aftur ágætum kafla en Svabbi svaraði með sex stigum. Staðan í hálfleik 44-48.
Áhorfendur áttu von á því að Tindastólsmenn tækju sig á í síðari hálfleik en þá var hreinlega allt í járnum, leikurinn hnífjafn. Fjölnismenn voru veikir fyrir inni í teig og Stólarnir reyndu að koma boltanum á Hampton sem sýndi ágæta takta og skoraði grimmt. Hann náði að jafna leikinn 61-61 en gestirnir voru seigir utan 3ja stiga línunnar og komust yfir 61-64 en Hreinsi svaraði í sömu minnt. Helgi Margeirs kom Stólunum yfir með 3ja stiga skoti skömmu síðar og liðin skiptust á um að vera með forystuna á þessum lokamínútum þriðja leikhluta. Fjölnir var þó stigi yfir, 69-70, fyrir lokafjórðunginn.
Leikurinn var spennandi á upphafsmínútum fjórða leikhluta en einhvern veginn virtist Stólunum fyrirmunað að ná frumkvæðinu í leiknum og í hvert sinn sem þeir fengu tækifæri til þess reyndist sóknarleikur liðsins klúðurslegur. Boltinn gekk illa og afleitlega gekk að finna góð skotfæri. Þá virkuðu gestirnir snarpari og virtust hreinlega gráðugri og stemningin var betri í þeirra liði. Smá saman náðu Fjölnismenn að búa til 4-8 stiga forskot og Stólarnir virkuðu ekki líklegir til að brúa það bil. Það fór því svo á endanum að Fjölnismenn stóðu uppi sem sigurvegarar. Þeir voru einfaldlega betra liðið í kvöld.
Í liði Tindastóls var Trey Hampton atkvæðamestur, gerði 28 stig og tók 8 fráköst. Skotnýting hans í teignum var 55% en kappinn er síðan með einhvern daprasta vítaskotastíl sem sést hefur í Síkinu og liggur við að lofthæðin í Síkinu dugi ekki til. Maurice Miller gerði 18 stig, tók 14 fráköst og átti 10 stoðsendingar sem er glæsilegt. Svabbi var með 13 stig en spilaði aðeins í 15 mínútur í kvöld. Hjá gestunum var Nathan Walkup ansi seigur og gerði 24 sti en Árni Ragnarsson var 23 stig.
Það er því ljóst að einhver bið er eftir fyrsta sigri Tindastólsmanna í deildinni í vetur. Næsti leikur er hér heima gegn Stjörnunni í Lengjubikarnum.
Stig Tindastóls: Hampton 28, Miller 18, Svabbi 13, Helgi Rafn 10, Helgi Freyr 6, Rikki 5, Hreinsi 5 og Þröstur 4.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
