Fjölsótt opnun þrátt fyrir úrhellisrigningu
Dagana 4. - 16. ágúst dvaldi hópur norrænna listamanna á Skagaströnd og unnu sameiginlega að verkefninu „Fram með ruslið“ en vinnustofunni lauk með opnun sýningar í Sundlaug Skagastrandar sl. föstudag og loks ráðstefnu í Fellsborg á laugardag. Að sögn Hrafnhildar Sigurðardóttur listakonu gekk opnunin mjög vel og var hún fjölsótt þrátt fyrir úrhellisrigningu sem hún segir hafa passað mjög vel við vatnsþemað.
Um er að ræða þriggja ára verkefni sem hófst í Veiholmen í Smøla, Noregi á síðasta ári, á Skagaströnd í ár og verður haldið á eynni Læsø í Danmörku á næsta ári.
„Af öllum listaverkunum þá vakti myndband Ninu Kleivan mesta athygli, en þar syndir stúlka í vaskafati umkringdu rusli - mjög í takt við vatns- og ruslþema sýningarinnar. Eins var „performans“ Janne Aas skemmtun fyrir bæði unga sem aldna og uppskar hún mikinn hlátur þegar hún hermdi ýmist eftir hvalahljóðum eða okkur að tala íslensku með -ur endingum á öllum norskum orðum og slatta af tilvitnunum í sænska kokkinn í „Muppet Show“,“ segir Hrafnhildur.
Frá opnuninni. Ljósm./Heidi Rognskog
Málþingið segir hún einnig hafa verið mjög skemmtilegt. Fyrst sagði Magnús bæjarstjóri frá menningarstefnu Skagastrandar fyrir hönd bæjarins. Svo tók Hrafnhildur við og sagði frá tilurð Ness en hún er stofnandi listamiðstöðvarinnar.
„Mjög fróðlegt var að sjá og heyra fyrirlestrana frá Noregi og Danmörku, en þau sögðu okkur frá hvað þau hafa verið að bardúsa til að draga að fólk og ferðamenn. Í sveitarfélaginu Smøla setja þau árlega upp leikrit í fornum anda, sem dregur að mörg þúsund ferðmenn. Það minnti mig á leikritið um Þórdísi spákonu sem sett var upp á Skagaströnd 2009, en Skagstrendingar gætu hæglega gert það að árlegum viðburði,“ útskýrir Hrafnhildur.
Eins segir hún hægt að tengja fyrirlesturinn frá Dönunum frá Læsø, en eyjan er undan ströndum Skagen - sem þýðir Skaginn. „Þar settust listamenn að fyrir um 100 árum síðan og nú er þar listasafn, listalíf, vinsælt að búa og blómstrandi ferðamennska. Ég sá því fyrir mér að Skagaströnd gæti orðið íslenska Skagen svona eftir nokkra áratugi,“ segir hún og brosir.
Sundlaug Skagastrandar, fyrir (neðan) og eftir (ofar). Ljósm./Heidi Rognskog
Selma Dögg Sigurjónsdóttir frá Nýsköpunarmiðstöðinni talaði um framtíðarsýn bæjarfélaga og mikilvægi þess að hafa jákvæða framtíðarsýn á bæinn sinn og tala hann upp frekar en niður.
Síðasti fyrirlesarinn var Andri Snær Magnason og vakti hann mikla athygli. „Hann var flugeldasýningin í enda pylsunnar (svo ég breyti nú málsháttum). Hann var alveg magnaður. Bæði fyndinn og grafalvarlegur í senn. Erlendu gestunum okkar fannst hann frábær með sýna umhverfissýn og vildu ólmir kaupa bókina hans,“ segir hún.
Hrafnhildur segir nánar frá verkefninu og hvernig það kom til að hún varð þátttakandi í því í Feyki sem kom út í dag.
Fleiri fréttir
-
Makríllinn vannýttur | Sigurjón Þórðarson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 18.12.2025 kl. 21.48Nýlega var ég að kynna mér fiskveiðiráðgjöf í makríl og rak þá augun í að stærð stofnsins hefur verið endurmetin langt aftur í tímann. Nú er talið að stofninn hafi verið mun stærri undanfarin ár en áður var talið. Hrygningarstofn makríls var til dæmis talinn hafa verið 2,7 milljónir tonna árið 2012. Við endurmat Alþjóðahafrannsóknarráðsins er hann talinn hafa verið ríflega 11 milljónir tonna. Það er ríflega fjórfföld aukning.Meira -
Birgitta Rún kjörin Íþróttamaður ársins 2025 hjá USAH
feykir.is Austur-Húnavatnssýsla, Lokað efni 18.12.2025 kl. 13.55Í gær voru úrslitin í vali á íþróttamanni ársins 2025 hjá Ungmennasambandi Austur Húnvetninga við glæsilega athöfn sem fram fór í félagsheimilinu á Blönduósi. Valið stóð á milli átta aðila en sigurvegarinn var Birgitta Rún Finnbogadóttir, 17 ára knattspyrnukona frá Umf. Fram á Skagaströnd sem spilar með liði Tindastóls.Meira -
Húnabyggð og Leigufélagið Bríet gera með sér samkomulag um styrkingu leigumarkaðar á Blönduósi
feykir.is Austur-Húnavatnssýsla 18.12.2025 kl. 13.25Sveitarstjórn Húnabyggðar samþykkti á fundi sínum í gær 17. desember 2025, samkomulag við Leigufélagið Bríeti um uppbyggingu og styrkingu leigumarkaðar í sveitarfélaginu. Samningurinn hljóðar upp á að í kjölfar kaupa Bríetar á fasteignum við Flúðabakka 5 á Blönduósi, muni Húnabyggð leggja inn í verkefnið framlag að andvirði 27-30% af kaupverðinu. Framlagið verður í formi þriggja fasteigna sem sveitarfélagið á og rekur í dag. Bríet mun greiða Húnabyggð kaupverðið með hlutabréfum í félaginu.Meira -
Geggjaður sigur í framlengdum leik gegn toppliði Njarðvíkinga
feykir.is Skagafjörður, Íþróttir, Lokað efni 18.12.2025 kl. 08.56Tindastóll og Njarðvík mættust í Síkinu í gærkvöldi í athyglisverðum og æsispennandi leik. Lið Tindastóls var í áttunda sæti fyrir leik en gestirnir á toppi deildarinnar. Þó að úrslit fjölmargra leikja í vetur hafi ekki dottið með Stólastúlkum þrátt fyrir jafna leiki þá stóðust stelpurnar okkar prófið gegn toppliðinu með glæsibrag – þurftu reyndar framlengingu til að landa sigrinum en það var auðvitað bara enn skemmtilegra. Lokatölur 99-91 eftir að staðan að loknum venjulegum leiktíma var 84-84,Meira -
Jólatréssalan á Eyrinni komin í gang
feykir.is Skagafjörður 17.12.2025 kl. 16.36Jólatréssala körfuknattleiksdeilar Tindastóls fór í gang sl. mánudag og nú er ekkert annað í stöðunni en mæta á sama gamla góða staðinn á Eyrinni, hitta fyrir eldhressa körfuboltamenn og fara heim með jólin í skottinu – enda ekkert betra en ilmurinn af lifandi tré yfir jólin.Meira
