Fjörutíu ára samfelldum veðurathugunum á Bergstöðum lokið
Í gærmorgun kl. 9 lauk fjörutíu ára samfelldum veðurathugunum á Bergstöðum í Skagafirði. Það þykir nokkuð merkilegt að sama fólkið hafi sinnt veðurathugunum í svo langan tíma. Hjónin Sigrún Aadnegard og Viðar Ágústsson hafa sinnt veðurathugunum sjö sinnum á dag allt árið um kring.
,,Veðrið er tekið klukkan 6, 9, 12, 15, 18, 21 og á miðnætti,“ segir Viðar. Veðurævintýrið hófst fyrir fjörutíu árum fyrir tilviljun. ,,Það var maður sem hafði lofað sér í þetta en sagði svo nei og þá vorum við beðin um þetta. Veðurstöðin hafði verið niðri á Krók og hafði farið svolítið á milli manna,“ segir Sigrún. ,,Ef einhverstaðar voru vandræði var Sigrún sótt og beðin um að bjarga málunum, hún gerði það alltaf og hér erum við fjörutíu árum seinna,“ segir Viðar.
Veðurathuganirnar eru mjög ítarlegar, þar er meðal annars mældur hiti, úrkoma, vindátt, vindhraði, skyggni og hæð skýja. ,,Ég nota Mælifellshnjúkinn til að mæla hæð skýjanna, en hann er 1.140 metrar á hæð,“ útskýrir Viðar. ,,Einnig þurfum við að setja inn heiti skýjanna,“ bætir Sigrún við. Mikil vinna liggur að baki veðurathugunum en einnig þarf að senda öll gögn til Veðurstofunnar. Það er ein bók fyrir hvern mánuð og má því reikna með að hjónin séu búin að fylla út um 480 bækur á þessum fjörtíu árum. ,,Við hreinskrifum í aðra bók og sendum hana til Veðurstofunnar, frumritin eru svo hér hjá okkur,“ útskýrir Viðar.
Hér áður fyrr hringdi Veðurstofan á Bergstaði sjö sinnum á sólarhring en öllum veðurathugunum á Norðurlandi vestra var safnað saman af starfsmönnum staðsettum í Brú í Hrútafirði. ,,Þau hringdu nú stundum og ráku á eftir okkur en það er mjög mikilvægt að taka veðrið sem næst réttum tíma. Núna gerum við þetta allt í gegnum tölvuna,“ segir Viðar.
Spurð um veðrið þessi fjörtuíu ár þá segja þau að veðrið hafi breyst þó nokkuð. ,,Það er töluvert minni snjór núna en áður. Veturnir hafa orðið betri en sumrin hafa jafnast nokkuð út,“ útskýrir Sigrún.
Veðurstöðin á Bergstöðum verður lögð niður en Veðurstofan mun áfram halda út vindmæli á Bergstöðum. ,,Það er mjög mikilvægt að mæla vindhraðann hér enda er þetta mikið rokrassgat og umferðin á þessu svæði mjög mikil,“ segir Viðar að lokum.
Síðasta veðurathugunin frá Bergstöðum: Alskýjað, 3 m/s, 9 stiga hiti og skyggni 50 kílómetrar.
(Í Feyki, sem kom út í dag, mætti ætla að blindaþoka hefði verið á Bergstöðum þegar síðasta veðurathugunin fór fram þar sem í fréttina, um þau Sigrúnu og Viðar, vantaði 49950 metra upp á skyggnið sem taldist sem sagt vera ágætt. Í fréttinni stóð að skyggnið hafi verið 50 metrar en átti að vera 50 kílómetrar.)
/Lee Ann
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðri sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.