Flutningaskip Eimskips á Krókinn
Eimskip hefur hafið strandsiglingar á ný til Sauðárkrókshafnar og kom flutningaskipið Blikur í síðustu viku. Um er að ræða tilraunasiglingar sem verða hálfsmánaðarlega að minnsta kosti til haustsins og framhaldið mun svo ráðast af því hvernig magnið þróast.
Matthías Matthíasson framkvæmdastjóri Flutningasviðs Eimskips segir að þrátt fyrir að áætlun segi að fraktskip komi hálfsmánaðarlega, gæti veður haft áhrif á viðkomur á Sauðárkrók þar sem höfnin getur verið erfið við vissar aðstæður. Aðallega er verið að flytja sjávarafurðir og steinull til útflutnings.
Aðspurður um hvort aukning sé í strandflutningum segir Matthías þær hafa verið nokkuð stöðugar frá því að þær hófust á ný. „Strandsiglingarnar hafa fengið góðar viðtökur enda umtalsverður sparnaður fyrir viðskiptavini Eimskips að fá beina tengingu við sín byggðarlög í samanburði við þann kostnað sem landleiðin kostar. Þá eru strandsiglingar einnig mun umhverfisvænni og létta á álaginu af þjóðvegum landsins.“ Hann segir stöðugt og vaxandi magn og góðar undirtektir viðskiptavina hafa þessi áhrif og í sumum höfnum er aukning á beinum innflutningi en þó er aðallega um að ræða útflutning sjávarafurða. Stóriðja styður einnig vel við strandsiglingar.
Aðspurður um hvort hann vildi koma einhverju á framfæri segir Matthías að það væri þá einna helst að unnið yrði frekar að uppbyggingu innviða úti á landi s.s viðgerð og stækkun hafnarmannvirkja. "Einnig væntum við áframhaldandi jákvæðra viðbragða frá viðskiptavinum og velvildar gagnvart strandsiglingum. Við erum bjartsýn á framhald þessara siglinga,“ sagði Matthías Matthíasson framkvæmdastjóri Flutningasviðs Eimskips.
Fleiri fréttir
-
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira -
Húni 45. árgangur kominn út
feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.Meira -
Leiðrétting veiðigjalda mun skila sér í bættum innviðum | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.05.2025 kl. 18.36Mikil umræða hefur átt sér stað um frumvarp ríkisstjórnarinnar um leiðréttingu veiðigjalda, jafnt á þingi sem og úti í samfélaginu. Sjávarútvegsmál hafa alltaf kallað fram sterkar skoðanir og réttlætiskennd hjá þjóðinni, hvort sem er í umræðum um kvótakerfið, veiðigjöld, eða strandveiðar.Meira -
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira
