FNV fær viðurkenningu fyrir Evrópuverkefni
Dagana 1.-3. október s.l. fór fram árleg ráðstefna á vegum Evrópusambandsins sem kallast SME Assembly. Samkoman var að þessu sinni haldin í Napólí á Ítalíu. Á þessar samkomu voru samankomnir um 800 þátttakendur víða að úr Evrópu þar sem megin þemað var nýsköpun og frumkvöðlaverkefni af ýmsu tagi. Verkefni sem FNV stendur fyrir, Nám í plastiðnum, hlaut viðurkenningu fyrir tilnefningu á hátíðinni.
Ráðstefna þessi er fyrst og fremst verðlaunahátíð sem kallast EEPA European Enterprise Promotion Awards, en hún hefur verð haldin síðan 2006 og hafa 2.800 verkefni verið tilnefnd frá upphafi. Meginmarkmið þessarar hátíðar er að viðurkenna vel heppnuð verkefni sem stuðla að atvinnusköpun og frumkvöðlastarfsemi. Þá fer þar fram kynning á vel heppnuðum verkefnum auk þess sem vakin er athygli á mikilvægi frumkvöðlastarfsemi í samfélaginu og væntanlegir frumkvöðlar eru hvattir til dáða. Þess má geta að forseti Ítalíu Giorgio Napolitano heiðraði samkomuna með nærveru sinni fyrir hádegi fimmtudaginn 2. október.
Keppnin fer þannig fram að í hverju landi um sig er keppt um tilnefningu til þessara verðlauna í fimm flokkum. Ísland tilnefndi í fyrsta skipti tvö verkefni í keppnina. Annað þeirra er á vegum Félags kennara í nýsköpunar og frumkvöðlamennt, í flokknum Promoting the Entepreneurial Spirit. Í þessum flokki voru 16 verkefni tilnefnd. Verkefnið sem var tilnefnt nær utanum námskeiðhald félagsins.
En um langt skeið hafa stjórnarmeðlimir í félaginu haldið úti öflugum og metnaðarfullum námskeiðum í frumkvöðla- og nýsköpunarmennt fyrir kennara á öllu skólastigum. Þetta námskeiðahald hefur skilað sér í aukinn áherslu á þessu mikilvæga námi í skólakerfinu og á síðustu árum hefur félagið eflst og er nú byggt á þessu starfi á alþjóðlegum vettvangi.
Hitt verkefnið var í flokknum Investing in Entrepreneurial Skills. Í þessu flokki voru átta verkefni tilnefnd. Það verkefni er á vegum Fjölbrautaskóla Norðurlands vestra og Nýsköpunarmiðstöðvar Íslands og nefnist Plastic Processing Education eða Nám í plastiðnum en það verkefni var styrkt af Leonardo hluta Menntaáætlunar Evrópusambandsins og stóð yfir á árunum 2011-2013. Meginmarkmið þess er að koma á fót námi í plastiðnum og plastbátasmíði með sérstaka áherslu á trefjaplast af ýmsu tagi. Hægt er að sjá myndir frá verðlaunaathöfninni á þessari slóð.
Hvorugt verkefnanna komst í verðlaunasæti en þau fengu hvort um sig viðurkenningu við hátíðlega athöfn fyrir tilnefninguna, en það er mikill heiður að komast svo langt. Hannes Ottósson, verkefnisstjóri hjá Nýsköpunarmiðstöð Íslands veitti viðurkenningunni viðtöku fyrir hönd Félags kennara í nýsköpunar- og frumkvöðlamennt og Þorkell V. Þorsteinsson, aðstoðarskólameistari, fyrir hönd FNV. Óhætt er að segja að verkefnin sem verðlaunuð voru hafi verið vel að þeim komin. Frá þessu er sagt á vef FNV.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
