Fornleifauppgreftri í Keflavík að ljúka
Fornleifauppgreftri í kirkjugarðinum við Keflavík í Hegranesi er nú rétt að ljúka. Frá því er sagt í Morgunblaðinu í gær en þetta er þriðja sumarð sem rannsóknir fara þar fram og hlaut fornleifadeild Byggðasafns Skagfirðinga fjögurra milljón króna styrk úr fornminjasjóði á árinu vegna verksins. 49 grafir hafa fundist, auk kirkju, smiðju og upphækkaðrar stéttar sem hefur legið milli kirkju og bæjar.
Í viðtali við Morgunblaðið segir Guðný Zoëga, fornleifafræðingur að þessi rannsókn hafi verið mjög árangursrík og margt óvænt komið fram. Uppgröfturinn í Keflavík er hluti af Skagfirsku kirkju- og byggðarannsókninni sem hófst árið 2015 og er samstarfsverkefni Byggðasafns Skagfirðinga og UMASS háskóla í Boston í Bandaríkjunum. Markmið rannsóknarinnar er að kanna tengsl landnáms, byggðaþróunar og kirkjusöögu í Hegranesi.
Kirkjugarðurinn í Keflavík fannst fyrir fimm árum síðan þegar starfsmenn RARIK unnu að plægingu jarðstrengs í túninu. Fjöldi grafa hefur fundist og er helmingur þeirra grafir ungbarna sem ekki náðu eins árs aldri. Guðný segir að tennur og bein gefi miklar vísbendingar um líf fólks og af þeim megi ráða að almennt hafi lífsskilyrði fólks verið vel viðunandi þótt stundum hafi samfélagið verið nærri hungurmörkum.
Rannsóknirnar benda til þess að jarðsett hafi verið í heimakirkjugörðunum frá því um árið 1000 og fram yfir 1100 þegar farið var að jarðsetja í formlegum kirkjugörðum. Talið er að heimakirkjugarðar í Skagafirði frá fyrri öldum séu um 130 og hafa 15 þeirra verið rannsakaðir.
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum,himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
