Frábær grannasigur Tindastólsstúlkna í síðasta leik vetrarins
Kvennalið Tindastól spilaði síðasta leik sinn í 1. deildinni um helgina og voru mótherjarnir Þórsarar frá Akureyri. Spilað var í Síkinu og var leikurinn æsispennandi en það voru heimastúlkur í Tindastóli sem voru sterkari á endasprettinum og unnu sætan sigur, 68-56.
Þórs-stúlkur byrjuðu betur og höfðu yfirhöndina fyrstu mínútur leiksins. Heimastúlkum gekk afleitlega að hitta í körfuna en gestunum lítið skár og staðan 9-10 að loknum fyrsta leikhluta. Þegar fjórar mínútur voru liðnar af öðrum leikhluta var Þór yfir 14-19 en eftir það skelltu Stólur í lás og í hálfleik var staðan 26-20.
Lið Þórs var ekkert á þeim buxunum að gefast upp og söxuðu þær á forskot Tindastóls í þriðja leikhluta, staðan var 36-35 um miðjan leikhlutann en 42-39 þegar fjórði leikhluti hófst. Gestirnir minnkuðu muninn í eitt stig, 45-44, en þá kom góður kafli hjá Tindastólsstúlkum sem gerðu tólf stig á sama tíma og gestirnir gerðu eitt. Eftir þetta var sigurinn öruggur og mestur varð munurinn 18 stig, 68-50.
Stigahæst í liði Tindastóls var Bríet Lilja Sigurðardóttir með 22 stig og sjö fráköst en Tashawna Higgins átti flottan leik þó hún hafi oft skorað meira, Tas gerði 12 stig en tók 16 fráköst og átti 10 stoðsendingar. Þá voru Linda Róberts, Þóranna Sigurjóns og Ísabella Guðmunds drjúgar.
Lið Tindastóls hefur nú lokið keppni og hefur sannarlega staðið sig frábærlega í vetur. Stelpurnar unnu tíu leiki en töpuðu fjórum og sitja sem stendur í öðru sæti 1. deildar en liðin í fyrsta og öðru sæti spila um sæti í efstu deild. Lið Fjölnis er í þriðja sæti en það er næsta víst að þær muni tryggja sér annað sætið í deildinni en Fjölnir á eftir að spila þrjá leiki. Feykir óskar Tindastólsstúlkum til hamingju með árangurinn í 1. deildinni en langt er síðan Tindastóll var með lið í kvennadeildinni.
Stig Tindastóls: Bríet Lilja 22, Linda Þórdís 13, Tas 12, Þóranna Ósk 11, Ísabella 8 og Erna Rut 2.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
