Frábær sigur Stólanna í Ljónagryfju Njarðvíkinga
Tindastólsmenn gerðu góða ferð suður með sjó í gær en þangað heimsóttu þeir lið Njarðvíkur í Iceland Express-deildinni. Stólarnir höfðu yfirhöndina nánast allan leikinn þó sjaldan væri munurinn mikill og lönduðu sætum sigri, 85-93, og eru nú í 6. – 8. sæti í deildinni með 10 stig.
Helgi Rafn sagði eftir síðasta leik að næst ætluðu Stólarnir að hefja leik í fyrsta leikhluta í stað þess fjórða og vísaði til þess að lið Tindastóls virtist ekki taka við sér fyrr en í lokafjórðungi leikja. Hann stóð við stóru orðin því í gær voru það Tindastólsmenn sem byrjuðu vel, komust í 0-9 með körfum frá Allen og Luttman. Um miðjan leikhlutann var staðan 9-16 og næstu 9 stig Stólanna gerði Rikki með 3 3ja stiga skotum og staðan 14-25 en að loknum fyrsta fjórðungi var staðan 20-27. Annar leikhluti var jafnari en sá fyrri en Stólarnir náðu þó mest 13 stiga forystu og voru að hitta vel fyrir utan 3ja stiga línu; Rikki bætti við tveimur og Hreinsi og Þröstur settu sitt hvora. Staðan í hálfleik 41-49.
Njarðvíkingar voru þó ekki búnir að gefast upp frekar en við var að búast, skiptu úr svæðisvörn yfir í maður á mann vörn og minnkuðu muninn í þrjú stig í upphafi þriðja leikhluta. Þeir náðu síðan að jafna, 55-55, um miðjan leikhlutann og komust síðan yfir í fyrsta sinn í leiknum, 60-58. Nú var stál í stál og jafnt á flestum tölum en síðustu tvær körfur 3ja leikhluta gerðu Þröstur Leó og Allen og gáfu Stólunum smá forskot, 64-68.
Svabbi byrjaði fjórða leikhluta með glæsibrag og setti niður tvær 3ja stiga körfur, heimamenn minnkuðu muninn en Svabbi bætti við einni til viðbótar og staðan 71-78 þegar 6 mínútur voru til leiksloka. Það sem eftir lifði leiks náðu Njarðvíkingar aldrei að minnka muninn niður fyrir 6 stig og leikmenn Tindastóls sigldu heim með stigin 2, lokatölur 85-93.
Lið Tindastóls átti skínandi leik, sex leikmenn voru að skora yfir 10 stig og liðsheildin sjaldan verið sterkari. Nú hafa strákarnir snúið við ömurlegri byrjun á tímabilinu og unnið 5 af síðustu 6 leikjum, aðeins naumur sigur Snæfells í framlengingu sem skemmir statistikina. Næsti leikur Tindastóls er í Garðabænum 19. janúar en Stjörnumenn hafa farið frekar illa með Stólana í vetur – það væri ekki leiðinlegt að lagfæra það aðeins.
Tindastóll: Curtis Allen 21/8 fráköst, Friðrik Hreinsson 15, Svavar Atli Birgisson 13, Maurice Miller 11/5 fráköst/11 stoðsendingar, Þröstur Leó Jóhannsson 11/8 fráköst, Myles Luttman 11/9 fráköst, Helgi Freyr Margeirsson 5, Hreinn Gunnar Birgisson 4, Helgi Rafn Viggósson 2.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
