Freyja Rut og Helgi Sæmundur ráðin að 1238
Stefnt er að því að sýningin 1238 – Baráttan um Ísland opni í næsta mánuði og er undirbúningur nú í fullum gangi fyrir opnun sýningarinnar. Sagt var frá því á Facebooksíðu 1238 rétt í þessu að gengið hafi verið frá ráðningu tveggja vakststjóra við sýninguna, þeirra Freyju Rutar Emilsdóttur og Helga Sæmundar Guðmundssonar.
Freyja Rut er uppalin á Sauðárkróki. Hún starfaði við Upplýsingamiðstöð ferðamála í Varmahlíð, lærði til grunnskólakennara og kenndi um árabil í Vogaskóla en nam síðan menningarstjórnun, ferðamál og lærði til markþjálfa. Freyja hefur starfað við fjölbreytt verkefni á undanförnum árum og hefur til að mynda kennt við ferðamáladeild Háskólans á Hólum nú í vetur.
Helgi Sæmundur ólst upp á Sauðárkróki. Að loknu stúdentsprófi fór hann til náms í tónlist og sem síðan hefur átt hug hans allan og er hann er helmingur hinnar frægu rappsveitar Úlfur Úlfur. Auk þess hefur hann unnið við hljóðupptökur og hljóðblöndun sem og samið tónlist fyrir sjónvarpsþætti og auglýsingar.
Freyja Rut og Helgi Sæmundur koma til starfa hjá 1238 undir lok mánaðarins.
Nú er ráðningum á sumarstarfsfólki að mestu lokið en alls verða 12-14 starfsmenn í húsnæði sýningarinnar í sumar.
Á Facebooksíðu sýningarinnar segir ennfremur að endurbótum á húsnæðinu sem mun hýsa sýningarnar sé að ljúka og uppsetning sýninga og tæknibúnaðar fari fram á næstu vikum. Endurbótum í Gránu sem muni hýsa veitingasal, upplýsingamiðstöð og safnbúð ljúki í maí og stefnt sé að opnun sýningarinnar í maímánuði.
Ráðning þeirra Freyju og Helga Sæmundar er stórt skref fyrir verkefnið að sögn Áskels Heiðars Ásgeirssonar, framkvæmdastjóri 1238. „Það er mjög ánægjulegt að þetta verkefni sé þegar farið að skapa möguleika fyrir ungt fólk að finna vinnu við sitt hæfi á Sauðárkróki. Við erum komin með mjög skemmtilegan hóp sem ætlar að hleypa þessari starfsemi af stokkunum með okkur í sumar og hér vinnur frábær hópur iðnaðarmanna og sýningarhönnuða með okkur að því að koma húsnæðinu og sýningum í það horf sem við viljum. Við erum því mjög bjartsýn á verkefnið og framtíðina og hlökkum til að opna dyr okkar fyrir gestum í næsta mánuði,“ segir Áskell Heiðar ennfremur.
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.