Fullt hús á bændafundi á Blönduósi í gærkvöldi
Í gærkvöldi stóðu Búnaðarsamband Húnaþings og Stranda og Félag sauðfjárbænda í Skagafirði fyrir opnum umræðufundi sem haldinn var í Félagsheimilinu á Blönduósi þar sem staða sauðfjárbænda var rædd. Á fjórða hundrað manns mættu á fundinn og var þungt yfir fundargestum enda um grafalvarlegt mál að ræða þar sem fyrirhuguð skerðing sláturleyfishafa á afurðaverði gæti valdið allt að 56% launalækkun til bænda. Framsögu á fundinum höfðu þau Ágúst Andrésson, formaður Landssamtaka sláturleyfishafa, Oddný Steina Valsdóttir, formaður Landssamtaka sauðfjárbænda og Sigríður Ólafsdóttir, ráðunautur á rekstrarsviði RML.
Á vef Ríkisútvarpsins segir að í máli Sigríðar Ólafsdóttur hafi komið fram að hún verði vör við mikla gagnrýni á markaðssetningu afurða og að hún vildi sjá meiri vöruþróun í framleiðslu. Ennfremur sagði hún fundargesti skynja uppgjöf jafnt hjá formönnum bænda og talsmanni afurðastöðva.
Þá sagði Sigríður að afleidd áhrif bágrar stöðu bænda geti orðið mikil ef ekkert verði að gert. „Á mínu heimasvæði, Húnaþingi vestra, er stór hluti af störfum á Hvammstanga sem snýst um að þjónusta bændur. Þannig að ef bændurnir hverfa þá hverfa þessi störf líka. Þetta snýst ekki bara um tekjulækkun til bænda heldur allt samfélagið.“
Sauðfjárbú eru rekin með tapi, sama hversu stór þau eru, miðað við útreikninga Sigríðar sem hún birti á fundinum þar sem hún reiknaði út tekjuafgang fyrir 100 kinda bú, 500 kinda bú og 1000 kinda bú og alls staðar reiknaðist tap. Tapið var lítið á 100 kinda búinu, um ein milljón tapaðist á 500 kinda búinu og yfir þrjár milljónir tapast á 1000 kinda búi. Staðan sé alvarlegust hjá ungum og skuldsettum bændum að sögn Sigríðar sem telur að afurðaverð þurfi að vera að minnsta kosti svipað og það var árið 2015 til að viðunandi sé.
Á mbl.is segir að Ágúst Andrésson, formaður Landssamtaka sláturleyfishafa, hafi lagt til að tekin yrði upp að nýju útflutningsskylda sem afnumin var árið 2008, fyrst og fremst til að koma í veg fyrir offramboð lambakjöts á Íslandsmarkaði. Einnig segir að bóndi sem til máls tók á fundinum hafi gagnrýnt sláturleyfishafa harðlega fyrir að hafa ekki gert nægilega mikið fyrir innanlandsmarkað. Hrósaði þeim fyrir átak og árangur á erlendum mörkuðum en sagði að innlendir markaðir hefðu setið eftir. Nánar er sagt frá fundinum í Morgunblaðinu í dag.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
