Fundur um stöðu atvinnumála. Tilkynning frá sveitarstjórn Húnaþings vestra.
Laugardaginn 6. desember sl. boðaði sveitarstjórn Húnaþings vestra atvinnurekendur og forsvarsmenn stofnana í sveitarfélaginu til viðræðna um stöðu atvinnumála í héraði. Mjög góð mæting var á fundinn þar sem flestir fundarmanna greindu frá stöðu og horfum í sínum atvinnurekstri á næstu mánuðum og misserum.
Sem vænta mátti er staða atvinnufyrirtækja og stofnana í sveitarfélaginu afar misjöfn og almennt ríkir nokkur óvissa um áhrif breytinga í efnahagsumhverfinu á afkomu þeirra. Alls 12 manns eru nú skráðir án atvinnu í sveitarfélaginu en verktakar í byggingariðnaði hafa m.a. þurft að grípa til uppsagna á starfsmönnum.
Á fundinum kom fram að staða Heilbrigðisstofnunarinnar Hvammstanga er afar erfið en þar hefur verið um að ræða viðvarandi hallarekstur á liðnum árum. Ástæða þess er öðru fremur sú að fjárveitingar til stofnunarinnar hafa ekki tekið mið af aukinni starfsemi m.a. nýtingu leguplássa og aukinni hjúkrunarþyngd.
Þá kom fram að aðilar í verslunarrekstri hafa enn sem komið er ekki merkt samdrátt í verslun en telja að verslun með sérvöru muni dragast saman. Aðilar í ferðaþjónustu og framleiðslu útflutningsvara sjá hins vegar aukin tækifæri í sínum rekstri sökum veikingar krónunnar en forsvarsmenn bænda hafa að sama skapi verulegar áhyggjur af afkomu landbúnaðarins vegna mikilla hækkana á aðföngum en lítilli hækkun afurðaverðs.
Fundarmenn lýstu almennri ánægju með boðun fundarins. Sérstaklega voru menn ánægðir að fá tækifæri til að skiptast á upplýsingum um stöðu og horfur í einstökum atvinnugreinum. Líkt og í flestum öðrum sveitarfélögum ríkir óvissa um stöðu atvinnumála í Húnaþingi vestra þrátt fyrir að aukin tækifæri geti skapast í ferðaþjónustu og útflutningsgreinum.
Hvammstanga 19.12.2008
Skúli Þórðarson, sveitarstjóri.
Fleiri fréttir
-
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira -
Blóðbankabíllinn verður á Króknum nk. þriðjudag
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 08.41Nú er Blóðbankabíllinn á ferðinni og ætlar að stoppa á Króknum þriðjudaginn 13. maí milli kl. 11-17 í þeim tilgangi að safna blóði. Ávallt skortir blóð fyrir sjúklinga og slasaða og á Facebooksíðu Blóðbankans kemur fram að skortur sé á blóði í öllum blóðflokkum þá sérstaklega O+, O-, A+ og A-. Því er mikilvægt að sem flestir gefi blóð. Blóðbankinn, sem þarf 70 blóðgjafa á dag, vonast til að sjá sem flesta og eru allir velkomnir, jafnt nýir sem vanir blóðgjafar. Bíllinn verður staðsettur við Skagfirðingabúð á Sauðárkróki.Meira -
Ótrúlegur lokakafli færði Stólunum sigur í leik eitt
feykir.is Skagafjörður, Íþróttir, Lokað efni 09.05.2025 kl. 02.10Ef einhverntímann Síkið hefur sótt sigur fyrir lið Tindastóls þá var það í gærkvöldi. Þá tóku Stólarnir á móti grjóthörðum Garðbæingum í fyrsta leik úrslitaseríunnar um Íslandsmeistaratitilinn. Lið Tindastóls virtist í hálf vonlausri stöðu þegar lítið var eftir af leiknum en það var ekki að sjá að nokkur maður á pöllunum hengdi haus. Stuðningurinn var óbilandi og virtist hreinlega smitast í leikmenn okkar liðs sem gerði átta síðustu stig leiksins á 36 síðustu sekúndunum. Það dugði til sigurs, 93-90, og hafa Stólarnir því náð 1-0 forystu í einvíginu.Meira -
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira
