Fyrsta opnun skíðasvæðis Tindastóls að baki
Fyrsti opnunardagur skíðasvæðis Tindastóls var um sl. helgi og að sögn Viggós Jónssonar staðarhaldara skíðasvæðisins voru aðstæður til skíða iðkunnar mjög góðar.
„Skíðasvæði í Tindastól var opnað á laugardaginn í alveg frábæru veðri þó svo það hafi verið nokkuð kalt um helgina þá er það nú eðli skíðasvæða ef svo má að orði komast að hafa kalt á skíðasvæðum en færið var gott rennslið gat varla orðið mikið betra,“ sagði Viggó.
Að sögn Viggós gerðu snjóvélarnar og snjógirðingar sem eru á skíðasvæðinu það kleift að opna um helgina. „Nú er grunnurinn kominn og um að gera að bæta ofan á þetta en sumstaðar í brekkunni er fremur þunnt lag og það þurfum við að laga en brekkurnar eiga bara eftir að lagast,“ bætti Viggó við.
Verið er að leggja göngubraut á skíðasvæðinu og er hún að mestu komin en samkvæmt Viggó var hún ekki lögð í fullri lengd um helgina því það vantaði svolítinn snjó upp á Þröskuldinn þar sem hún liggur.
Til stendur að opna skíðasvæðið á ný nk. laugardag, þann 10. desember. „Það á eftir að gera eitthvað skemmtilegt fyrir börnin, hólabrautir og einhverja útúrdúra en við verðum vonandi komnir með það um næstu helgi,“ sagði Viggó.
Þess má geta að miðarnir og kortin verða framvegis seld í skemmunni og einnig verður skíðaleigan þar. Foreldrafélagið mun hér eftir vera með kaffisöluna í skálanum. Áhugasömum er bent á vefmyndavél á heimasíðu Tindastóls þar sem hægt er að fylgjast með skíðasvæðinu.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
