Fyrsti dagur í sköfun
Feykir ætlar kannski ekki að sverja fyrir að þessi staðreynd eigi við allsstaðar á Norðurlandi vestra en í það minnsta á Króknum þá var morguninn það kkaldur og bjartur að flestir hafa sennilega þurft að leita að rúðusköfunni áður en farið var af stað á bílnum í fyrsta sinn þetta haustið. Nema að sjálfsögðu þeir sem búa svo vel að vera á bíl sem hitar upp sæti og afhéla rúður áður en bíllinn er settur í gang.
Þetta er nú vanalega ekki vinsælt og mörgum leiðist að skafa. Sumir gera bara pínu gat í hélaða framrúðu og fara þannig af stað en Feykir mælir ekki með því og lögreglan sennilega ekki heldur. Sköfum því vel.og sköfum með stolti.
Sem fyrr segir er morguninn bjartur og fagur en hiti á Norðurlandi vestra í kringum frostmark. Það virðist þó vera heldur kaldara í Skagafirði en í Húnavatnssýslunum. Færð er góð en varað er við hálku í Út-Blönduhlíð, Óslandshlíð og Hegranesi eða í austanverðum Skagafirði.
Það hlýnar þegar líður á daginn og gæti rokið upp í átta gráður eða svo um miðjan dag. Það má reikna með að hiti verði sæmilega yfir frostmarki næstu daga og alla jafna stillt.
Fleiri fréttir
-
Loftgæði í ráðhúsi Húnaþings vestra langt undir viðmiðum
feykir.is Vestur-Húnavatnssýsla 06.10.2026 kl. 09.48Húnahornið segir frá því að á fundi umhverfis-, veitu og framkvæmdaráðs Húnaþings vestra hafi á dögunum verið farið yfir loftgæðaathugun sem gerð var í Ráðhúsi sveitarfélagsins. Niðurstöður sérfræðinga sýna alvarlegt ástand í kjallara og á fyrstu hæð hússins.Meira -
Endurhæfingarsundlauginni lokað
feykir.is Skagafjörður, Fréttir, Lokað efni 05.10.2026 kl. 15.40Þær fréttir hafa verið á kreiki að endurhæfingarsundlaugin í sjúkraþjálfunarálmu heilbrigðistofnunar Norðurlands á Sauðárkróki verði lokað á næstunni. Fólki sem notað hefur laugina er nokkuð brugðið og er það talsvert stór hópur.Meira -
Hólaneskirkja á Skagaströnd fékk fallega gjöf
feykir.is Austur-Húnavatnssýsla, Mannlíf 05.10.2026 kl. 14.52Í skilaboðum á Facebook-síðu Hólaneskirkju á Skagaströnd er sagt frá því að Birgir Már Friðriksson hafi komið færandi hendi í sunnudagaskólann í kirkjunni síðastliðinn sunnudagsmorgun.Meira -
Haustþing SSNV samþykkti sjö ályktanir um hagsmunamál landshlutans
feykir.is Skagafjörður, Austur-Húnavatnssýsla, Vestur-Húnavatnssýsla 05.10.2026 kl. 14.39Tíunda haustþing Samtaka sveitarfélaga á Norðurlandi vestra (SSNV) var haldið á Hótel Laugarbakka í Húnaþingi vestra fimmtudaginn 1. október. Á heimasíðu SSNV segir að á þinginu voru samþykktar sjö ályktanir um málefni landshlutans, fjárhags- og starfsáætlun samtakanna fyrir árið 2027 og breytingar á samþykktum SSNV. Mæting þingfulltrúa var 88%.Meira
