Fyrsti sigur sameinaðra
Lið Tindastóls/Hvatar fékk Hafnfirðingana í ÍH í heimsókn á Sauðárkróksvöll í kvöld. Basl hafði verið á sameinaða liðinu fram til þessa í 2. deildinni, liðið hafði tapað fyrstu þremur leikjunum og óhætt að segja að lánið hafi ekki leikið við liðið, og loks urðu síðan vel kynnt þjálfaraskipti í vikunni. Það var því mikilvægt að liðið næði góðum úrslitum í kvöld og sú varð raunin, sanngjarn 2-1 sigur staðreynd.
Það var kalt á pöllunum framan af leik, hryssingsleg suðvestanátt með rigningarslettum. Engu að síður sýndi lið Tindastóls/Hvatar ágæta takta og náðu á köflum ágætu spili. Kolbeinn Kára var öflugur frammi og gekk varnarmönnum ÍH illa að ráða við kappann. Hann komst í nokkur hálffæri en braut ísinn þegar nokkuð var liðið á hálfleikinn, braust þá skemmtilega inn á vítateig ÍH og sendi hörkuskot í fjærhornið. Heimamenn voru mun sterkari í fyrri hálfleik og hefðu verðskuldað að ganga til búningsherbergja með meira forskot að fyrri hálfleik loknum en lið ÍH átti varla skot að marki.
Það lygndi í leikhléi og var leikið við fínar aðstæður í síðari hálfleik. Enn voru heimamenn sterkari og fengu nokkur ágæt færi sem fóru forgörðum. Kolbeinn bætti við öðru marki um miðjan hálfleikinn, fékk sendingu inn fyrir vörn ÍH og varð á undan markverði ÍH í boltann og sendann framhjá honum og í markið. Nú var þungu fargi létt af leikmönnum Tindastóls/Hvatar sem voru við það að innbyrða fyrsta sigur sumarsins. Drógu heimamenn sig nokkuð til baka eftir þetta og sóttu á skyndisóknum sem margar hverjar voru hættulegar. Gestirnir fengu hins vegar meira næði til að byggja upp sóknir en höfðu ekki erindi sem erfiði fyrr en í uppbótartíma. Þá komust þeir upp að endamörkum og sendu fyrir markið þar sem Örn Rúnar náði að setja fót í boltann. Gísli markvörður virtist vís með að verja skotið en boltinn gekk honum úr greipum og endaði í markinu. Þegar þarna var komið var skammt eftir af leiknum og náðu ÍH-ingar ekki að ógna marki heimamanna það sem eftir lifði. Lokatölur því 2-1 og þrjú stig komin í hús.
Lið Tindastóls/Hvatar átti fínan leik í kvöld, leikmenn spiluðu ágætan fótbolta, börðust vel og liðið gaf fá færi á sér. Vörnin steig varla feilspor og á miðjunni átti Atli flottan leik. Kolbeinn var góður frammi, sterkur og kraftmikill og nýtti færi sín vel. Donni getur verið sáttur við fyrsta leikinn undir sinni stjórn.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
