Gáfu forláta æfingahjól til endurhæfingar HSN
Í síðustu viku komu félagar í stjórn Sjálfsbjargar í Skagafirði færandi hendi til endurhæfingar HSN á Sauðárkróki og afhentu deildinni forláta æfingahjól. Tækið, sem er að verðmæti 790 þúsund krónur, er af gerðinni MOTOmed viva 2 og kemur frá fyrirtækinu Eirberg. Einnig fylgir gjöfinni sjónvarpsskjár og tæknibúnaður sem gerir þeim sem hjóla á því kleift að hjóla hinar ýmsu hjólaleiðir úti í heimi og fylgjast jafnframt með á skjánum.
Fanney Ísold Karlsdóttir, yfirsjúkraþjálfari hjá HSN á Sauðárkróki, segir að hjólið henti fyrir mjög breiðan hóp af fólki og sé það aðgengilegt fyrir hjólastóla jafnt sem aðra stóla. Þetta er rafmagnshjól sem hægt er að aðlaga að þörfum hvers og eins og álgið því breytilegt eftir getu skjólstæðingsins. Skjárinn á hjólinu sýnir vegalengd, tíma, hraða og þyngd sem hjólað er á en einnig hve mikil aðstoðin er frá mótornum. „Við færum félögum í Sjálfsbjörg í Skagafirði bestu þakkir fyrir höfðinglega gjöf,“ segir Fanney. Þess má einnig geta að félagið hefur áður fært endurhæfingunni fjögur tæki að gjöf.
Magnús G. Jóhannesson, formaður Sjálfsbjargar í Skagafirði, segir að aðstaðan sem í boði er á HSN sé gífurlega þýðingarmikil fyrir mjög marga félagsmenn en í því eru nú 55 félagar. Magnús segir að helstu verkefni félagsins séu að vera ávallt vakandi yfir því að hugað sé að aðgengi og þörfum fólks með einhvers konar hreyfihömlun ásamt því að vinna að fullkominni þátttöku og jafnrétti hreyfihamlaðra og annarra fatlaðra á öllum sviðum þjóðlífsins jafnframt því sem unnið er að helstu verkefnum landssambandsins. Fastir liðir í starfseminni eru að halda aðalfund og standa fyrir fjáröflunum s.s. bingói, aðventukvöldi og spilakvöldum. Næsti aðalfundur félagsins verður haldinn mánudaginn 23. mars klukkan 17:00 í Húsi frítímans.
Stjórn Sjálfsbjargar í Skagafirði skipa:
Magnús G. Jóhannesson, formaður, Ólafur R. Ólafsson, varaformaður, Stefanía Fjóla Finnbogadóttir, gjaldkeri, Sæunn H. Jóhannesdóttir, ritari. Meðstjórnandi er Svava Svavarsdóttir og varamaður séra Sigríður Gunnarsdóttir.
Fleiri fréttir
-
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira -
Húnvetningar snéru vörn í sókn með góðum sigri
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.Meira -
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira
