Breytingar á embættum í sveitarstjón og byggðarráði Skagafjarðar
Sveitarstjórn Skagafjarðar hélt sinn 400. sveitarstjórnarfund þann 24. júní síðastliðinn. Breytingar urðu á embættum í sveitarstjórn og byggðarráði þar sem kosið er um fulltrúa til eins árs í senn frá og með 1. júlí hvers árs.
Breytingarnar eru sem hér segir:
Nýr forseti sveitarstjórnar, Stefán Vagn Stefánsson, tekur við embætti af Regínu Valdimarsdóttur sem verður nýr fyrsti varaforseti sveitarstjórnar í stað Laufeyjar Kristínar Skúladóttur. Jóhanna Ey Harðardóttir situr áfram sem annar varaforseti frá því í fyrra. Skrifarar sveitarstjórnar haldast óbreyttir frá því 2019 en þar eru aðalmenn Ingibjörg Huld Þórðardóttir og Gísli Sigurðsson. Varamenn eru Bjarni Jónsson og Álfhildur Leifsdóttir.
Aðalmenn byggðaráðs eru Gísli Sigurðsson, Stefán Vagn Stefánsson og Ólafur Bjarni Haraldsson. Gísli er nýr formaður og Stefán Vagn varaformaður. Skiptast þeir á stólum þar sem Stefán Vagn var formaður árið 2019 og Gísli varaformaður. Ólafur tekur hins vegar við sæti Bjarna Jónssonar. Nýr varamaður ráðsins er Jóhanna Ey Harðardóttir sem tekur við sæti af Álfhildi Leifsdóttur en þær Ingibjörg Huld Þórðardóttir og Regína Valdimarsdóttir sitja áfram. Nýir áheyrnarfulltrúar eru Bjarni Jónsson aðalmaður og Álfhildur Leifsdóttir varamaður. Taka þau við af Ólafi Bjarna Haraldssyni og Sveini Þ. Finnster Úlfarssyni.
Forseta sveitarstjórnar: Stefán Vagn Stefánsson
Fyrsti varaforseti sveitarstjórnar: Regína Valdimarsdóttir
Annar varaforseti sveitarstjórnar: Jóhanna Ey Harðardóttir
Skrifarar sveitarstjórnar:
aðalmenn: Ingibjörg Huld Þórðardóttir og Gísli Sigurðsson
varamenn: Bjarni Jónsson og Álfhildur Leifsdóttir
Formaður byggðaráðs: Gísli Sigurðsson
Varaformaður byggðaráðs: Stefán Vagn Stefánsson
Aðalmaður: Ólafur Bjarni Haraldsson
Varamenn byggðaráðs: Ingibjörg Huld Þórðardóttir, Regína Valdimarsdóttir og Jóhanna Ey Harðardóttir
/SHV
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.