Góð aðsókn á Landsmót
Aðsókn að Landsmóti hestamanna á Vindheimamelum hefur gengið vonum framar að sögn Önnu Lilju Pétursdóttur sem sér um miðasölu Landsmótsins en hún segir að þessa fyrstu daga sé aðsóknin betri en búist var við og líklega ekki fyrr svo margir mættir þetta snemma móts. -Við erum í skýjunum yfir aðsókn að fyrstu dögunum og vel yfir fjögur þúsund miðar þegar seldir.
-Veðrið er ekki að hjálpa okkur núna en það á að batna þannig að við erum bjartsýn með framhaldið. Það eru allir vel undirbúnir og eru klæddir eftir veðri, lopapeysa og teppi í brekkunni, segir Anna Lilja telur greinilegt að fólk hafi hungrað eftir að geta lagst í brekkuna eftir þriggja ára bið eftir Landsmóti.
Nú er í fyrsta skipti boðið upp á netsjónvarp þar sem sýnt er frá báðum keppnisvöllum og fólk getur keypt sér aðgang að og segir Anna Lilja það hafa gengið vel. –Þetta hefur fengið frábærar viðtökur og fólki gengur vel að læra á þetta en nokkur hundruð manns hefur keypt sér aðgang.
Anna Lilja býst við að á fimmtudag fari gestir að streyma á svæðið og á laugardagsmorgni verði mannfjöldinn mestur þegar úrslitakeppninrnar fara af stað. Þá verða allir markaðsbásarnir komnir í fullan rekstur og veitingaaðilar og sem mest um að vera.
Anna Lilja segir tjaldbúa vera káta þrátt fyrir að ekki sé hlýtt í lofti og í gærkvöldi hafði fólk búið sér til skjólveggi með því að leggja bílum, rútum og hestakerrum þegar það grillaði kvöldmatinn. –Fólkið er svo glatt að vera komið á mótið að það lætur veðrið ekki hafa áhrif á sig. Það var mjög gleðilegt að sjá hvernig það sameinaðist í götunum og engin örvænting vegna veðursins.
Anna Lilja vildi gjarna sjá fleiri heimamenn á svæðinu þá einnig til að kynna það fyrir þeim sem ekki hafa komið lengi en svæðið er orðið allt hið glæsilegasta og ekki endilega bundið við hestamannamót. Þarna er allt til alls vatn, rafmagn og ljósleiðari og því möguleikarnir miklir á alskyns viðburðum.
Fleiri fréttir
-
Sigurður Arnar ráðinn forstöðumaður framkvæmda á Veitu- og framkvæmdasviði Skagafjar'ar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira
