Gollar Hilmis komin út
Út er komin bókin Gollar eftir Hilmi Jóhannesson á Sauðárkróki sem fjallar um stórþorska, bændur, trillukalla og ellilífeyrisþega. Höfundur segist hafa búið á mestu menningarsvæðum landsins: Þingeyjasýslu, Borgarfirði og lengst í Skagafirði og búa Íslendingar á öllum þessum stöðum og eru þetta frásagnir af þeim.
-Þetta eru Íslendingasögur, sögur af Íslendingum og heitir Gollar og borið fram með linum „ellum“, segir Hilmir en innan á bókarkápu útskýrir hann Íslendingasögur á eftirfarandi hátt. „Sannleikurinn í þeim er aukaafurð. Hina vantrúuðu er ógjörlegt að sannfæra. Ef lesandinn trúir er ekki hægt að ljúga. Saga fyllir tíma þeirra sem lesa eða hlusta. Sögurnar lýsa sjaldan umhverfi eða aðstæðum, nákvæmar veður eða náttúrulýsingar, þjóna aðeins framrás atburða“.
Hilmir segir að efnisyfirlitið komi fram í vísukorni í sögulok en þar segir:
Staldraðu við og láttu hugann leita,
labbaðu til baka, á gúmmískónum,
um sumardag, á sandinum, í mónum,
sem að tíminn náði ekki að breyta.
Eyðist það sem af er tekið burt,
annað breytist, þó það sé um kjurt.
Það var Nýprent sem sá um uppsetningu og prentun en höfundur gefur út og selur bókina sjálfur.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
