Skíðagöngumót í Fljótum
Ferðafélag Fljótamanna stóð að venju fyrir gönguskíðamóti í Fljótum á föstudaginn langa. Mótið hefur vanalega verið haldið í kringum Ketilás en að þessu sinni var það ekki mögulegt sökum snjóleysis. Brugðu mótshaldarar því á það ráð að flytja mótið upp á Lágheiði þar sem nægan snjó var að finna en þar sem veginum þangað er ekki lengur haldið opnum urðu mótshaldarar að leggja í kostnað við snjómokstur. Til að koma í veg fyrir umferðaröngþveiti á mótsstað voru leigðar þrjár rútur með fjórhjóladrifi sem gengu á milli mótsstaðar og bílastæðis við Stíflurétt, auk þess sem hótelið á Deplum lagði til eina rútu til fólksflutninganna. Að sögn Halldórs Gunnars Hálfdanssonar á Molastöðum í Fljótum var það nánast kraftaverk að takast skyldi að halda mótið sé miðað við veðurfarið þessa páskana, afar blint var á Lágheiðinni en blessunarlega var alveg lygnt þá þrjá tíma sem mótið stóð yfir.
Alls tóku 60 manns þátt í mótinu, keppt var í 20 km göngu í karla og kvennaflokki á aldrinum 16-34, 35-49, 50-59 og 60 ára og eldri. Í vegalengdunum 5 km og 10 km var keppt í karla og kvennaflokki 16 ára og eldri. Einnig var keppt í flokki drengja og stúlkna í vegalengdunum 5 km og 10 km á aldrinum 12-15 ára, 2,5 km fyrir 6-11 ára og 1 km fyrir 3-5 ára.
Skarphéðinn Jónsson bar sigur úr bítum í 10 km göngu karla, 16 ára og eldri, á tímanum 1:03:09. Í sama flokki kvenna sigraði Guðrún Pálsdóttir á tímanum 1:02.07. Í 5 km göngu karla, 16 ára og eldri, sigraði Viðar Pétursson á tímanum 0:26:22 og í kvennaflokki, 16 ára og eldri, sigraði Birgitta Birgisdóttir á tímanum 0:25:46. Nánar má lesa sér til um úrslit keppninnar og sjá fleiri myndir á Facebooksíðunni Skíðagöngumót í Fljótum
.
Að vel heppnuðu móti loknu var boðið til kaffisamsætis á Ketilási þar sem borðin svignuðu undan krásunum að hætti Fljótamanna auk þess sem verðlaun voru veitt. Meðfylgjandi myndir tóku Hermann Hermannson og Halldór Gunnar Hálfdánsson.
Fleiri fréttir
-
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira -
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira
