Grafalvarleg staða sauðfjárbænda
„Stéttin er í hálfgerðri tilvistarkreppu og erfiðast er hjá yngri bændunum sem skulda einhverja fjármuni,“ segir Atli Már Traustason, formaður félags sauðfjárbænda í Skagafirði. Sauðfjárbændur í Skagafirði ætla í næstu viku að funda um erfiða stöðu sauðfjárbænda en fundurinn verður í Ljósheimum þriðjudagskvöldið 15. febrúar og hefst klukkan 20:00.
„Við fáum engar hækkanir á afurðaverði til okkar, reyndar lækkun síðastliðið haust, á meðan öll okkar aðföng bara hækka og hækka. Sl. haust gerðist það að verð til bænda lækkaði í þrepum eftir því sem leið á sláturtíðina og eru menn hundfúlir yfir því. Á fundinn koma nokkrir sauðfjárbændur með rauntölur úr sínum rekstri þar sem sýnt verður fram á hvað allt hefur hækkað nema innkoman og afkoman versnað. Þá mun Jóhannes Sveinbjörnsson prófessor við Landbúnaðarháskóla Íslands halda fyrirlestur um áhrif mismunandi sláturtíma á afurðaverð auk fulltrúa héðan frá Leiðbeiningamiðstöðinni sem kryfja munu þróun í afurðaverðum og aðföngum. Fulltrúar stjórnvalda hafa ekki verið boðaðir á fundinn en þangað er boðið fulltrúum Kaupfélags Skagfirðinga sem er sláturleyfishafi flestra hér í héraði auk þess sem formaður og framkvæmdastjóri Landssamtaka sauðfjárbænda verða á staðnum,“ segir Atli.
Atli segir að komi sláturleyfishafar ekki með eitthvað betra tilboð til sauðfjárbænda næsta haust sé ljós að hver og einn verði að skoða sinn rekstur og taka í framhaldinu ákvörðun um hvað skynsamlegast sé að gera til framtíðar.
"Það verða allir aðilar sem koma að framleiðslu sauðfjárafurða á Íslandi að átta sig á því að staðan er grafalvarleg" segir Atli að lokum.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
