Greiðslustofa húsnæðisbóta formlega opnuð á Sauðárkróki
Greiðslustofa húsnæðisbóta var formlega opnuð á Sauðárkróki í gær. Greiðslustofan er til húsi á annarri hæð við Ártorg 1 og þar hafa verið ráðnir 14 starfsmenn í jafn mörg stöðugildi.
Ný lög um húsnæðisbætur taka gildi 1. janúar 2017 og mun greiðslustofa húsnæðisbóta taka yfir verkefni sveitarfélaga varðandi útgreiðslu húsnæðisbóta. Það var Elsa Lára Arnardóttir, þingmaður Framsóknarflokksins í Norðvesturkjördæmi, sem opnaði formlega vef Greiðslustofunnar, husbot.is, við þetta tilefni. Elsa Lára sagðist þar með vera að fylgja barninu sínu úr hlaði, en hún starfaði í nefnd sem undirbjó hin nýju lög.
Auk Elsu Láru fluttu Þór Reykdal, forstöðumaður hinnar nýju greiðslustofu, og Gissur Pétursson, forstöðumaður Vinnumálastofnunar, ávörp við þetta tilefni. Þá flutti Elsa Lára kveðju frá Eygló Harðardóttur, félags- og húsnæðismálaráðherra, sem gat ekki verið viðstödd opnunina. Að því loknu skoðuðu gestir hið húsnæðið og þáðu veitingar.
Nú hefur verið opnað fyrir umsóknir um húsnæðisbætur á hinum nýja vef og þar er einnig að finna handhæga reiknivél fyrir umsækjendur.
Fleiri fréttir
-
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira -
Óskað eftir tilnefningum til samfélagsverðlauna í Húnaþingi vestra
feykir.is Vestur-Húnavatnssýsla, Mannlíf 19.06.2025 kl. 09.19Félagsmálaráð Húnaþings vestra óskar eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Í frétt á Húnahorninu segir að allir komi til greina, jafnt einstaklingar, fyrirtæki sem og félagasamtök sem hafa með gjörðum sínum og framgöngu látið gott af sér leiða og verið öðrum góð fyrirmynd.Meira
