Grettir áttræður
Síðastliðinn laugardag hélt Ungmennafélagið Grettir í Miðfirði uppá 80 ára afmæli félagsins.
Dagskráin hófst með fjölskylduskemmtun að deginum til þar sem ungir sem aldnir komu saman.
Sigurbjörg Jóhannesdóttir formaður félagsins hóf dagskrána með því að stikla á stóru um sögu félagsins.
Mátti þar heyra skemmtilegar frásagnir um starfsemi félagsins allt aftur að stofnun þess.
Ljósmyndir úr starfsemi leikfélagsins í gegnum árin voru sýndar sem og myndband sem Björn heitinn Einarsson frá Bessastöðum hafði tekið. Náði myndefni þess aftur til ársins 1974. Guðný Helga Björnsdóttir dóttir hans las síðan upp úr bók er Högni Þorsteinsson ömmubróðir hennar hafði ritað um starfsemi félagsins aðeins 13 ára gamall.
Boðið var uppá stóra afmælisköku sem bökuð var af nefnd ungmennafélagsins og kakó og kaffi með.
Spurningakeppni var síðan háð milli fyrrverandi formanna félagsins og að lokum haldið bingó.
Um kvöldið var leikfélagið með sýningu á leikritinu Jón og Hólmfríður. Var setið í öllum sætum og mikið hlegið.
Gaman er að geta þess að Jóhannes Björnsson var meðal leikara en er hann að nálgast 79 ára aldurinn.
Hljómsveitin Lexía ásamt Ragnari Levý enduðu síðan kvölddagskrána með dansleik þar sem dansað var frammá rauða nótt.
Stjórn ungmennafélagsins var mjög ánægð með daginn og vill þakka öllum þeim er sóttu afmælið kærlega fyrir komuna.
Hér fyrir neðan eru myndir frá uppfærslu Leikfélagsins á Jóni og Hólmfríði.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
