GSS kominn með nýjan hermi af gerð Trackman 4
Golfklúbbur Skagafjarðar festi nýlega kaup á golfhermi af fullkomnustu gerð. Sveitarfélagið Skagafjörður hjálpaði félaginu með myndarlegri afmælisgjöf á 50 ára afmæli GSS árið 2020. Hermirinn er kominn á sinn stað í inniaðstöðu GSS og félagsmenn þegar byrjaðir að spila. Formleg vígsla er áætluð þegar slakað verður á fjöldatakmörkunum.
Golfhermir af fullkomnustu gerð
Greiningartæki á borð við Trackman hafa rutt sér rúms með skjótum hætti á Íslandi. Kylfingar á öllum getustigum geta nýtt sér þessa nýju tækni til þess að auka færni sína í golfíþróttinni. Trackman er golfhermir af fullkomnustu gerð. Kylfingar geta spilað velli um allan heim. Hermirinn er það nákvæmur að lítill munur er á boltaflugi í hermi og raunheimum. Trackman notar radartækni til að reikna út upplýsingar um boltaflug og „hegðun“ golfkylfunnar í sveiflunni. Upplýsingarnar er hægt að lesa af snjallsíma, spjaldtölvu eða venjulegri tölvu.Trackman þykir fremst í flokki greiningartækja á markaðnum og nota margir af fremstu atvinnumönnum heims Trackman.
Hvaða upplýsingar skipta máli?
Trackman gefur upplýsingar um 28 mismunandi breytur hvað varðar boltaflug og sveifluna. Það er einstaklingsbundið hvaða upplýsingar skipta mestu máli, en þó má segja að boltaflugið sé það sem allir þurfa að hafa í huga, það er högglengd, stefna og sveigja og flugtakshornið. Þeir þættir sem hafa mest áhrif á þetta er staða kylfuhaussins þegar boltinn er hittur, ferill kylfunnar og sveifluhraðinn. Þannig að fyrir flesta nægir að skoða fjórar til sex breytur.
Bylting í æfingum
Tilkoma Trackman mun gerbreyta undirbúningstímabili hjá kylfingum GSS. Ekki síst hjá ungu kynslóðinni sem æfir inni á veturna. Ómetanlegt er að fá nákvæmar upplýsingar um boltaflugið og sveifluna. Æfingar verða mun markvissari, áhugaverðari og skemmtilegri heldur en að slá í net. Leikmenn fá meiri endurgjöf.
Félagslegt gildi
Félagar GSS hittast oft í inniaðstöðu á Borgarflöt á veturna. Stundum til að fá sér kaffi og spjalla, stundum til að taka hring á einhverjum af bestu völlum í heimi. Ef sveiflan er að stríða manni þá er að minnsta kosti alltaf gott veður í herminum.
Spennandi sumar framundan
Framundan er spennandi sumar hjá GSS. Meðal nýjunga verða styrktarmót sem haldin verða í samstarfi við UMF Tindastól. Nýliðanámskeiðið verður á sínum stað um mánaðamót maí-júní. Þess má geta að verðandi nýliðar fá sérstaka kynningu á nýja golfherminum.
/Kristján Bjarni Halldórsson
formaður GSS
Fleiri fréttir
-
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.