Guitar Islancio heimsækir Húnavallaskóla.
feykir.is
Austur-Húnavatnssýsla, Listir og menning
10.10.2008
kl. 10.40
Á heimasíðu Húnavallaskóla segir að á þriðjudag hafi nemendur fengið frábæra gesti en þar voru á ferð meðlimir tríóisins Guitar Islancio.
Þar fóru engir aðrir en hinir landskunnu tónlistarmenn Björn Thoroddsen gítarleikari, Gunnar Þórðarson gítarleikari og Jón Rafnsson kontrabassaleikari. Þeir félagar fluttu okkur íslensk þjóðlög sem þeir hafa sjálfir endurútsett á skemmtilegan hátt og í sumum lögunum sungu nemendur með. Þrír nemendur í tíunda bekk léku með þeim þjóðlagið Krummi svaf í klettagjá. Þetta voru þau Brynjar Halldórsson sem lék á trommur, Harpa Birgisdóttir á þverflautu og Sigurdís Sandra Tryggvadóttir á píanó, aðrir nemendur skólans sungu með. Heppnaðist þetta samspil mjög vel þannig að úr varð hin besta skemmtun sem og segja má um tónleikana í heild. Kunnum við þeim Birni, Gunnari og Jóni okkar bestu þakkir fyrir heimsóknina sem og verkefninu Tónlist fyrir alla – skólatónleikar á Íslandi fyrir að bjóða á hverju skólaári, bæði vor og haust, upp á frábærara tónleika sem þessa.
Heimasíðu skólans má finna hér
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
